ប្រធានាធិបតីរុស្ស៊ី លោក វ្លាឌីមៀ ពូទីន បាន​បញ្ជាក់ថា លោក​បានចាក់វ៉ាក់សាំងក្នុងស្រុក Sputnik V។ ការថ្លែងនេះ ធ្វើឡើង​ក្នុងវេទិកាសំណួរ-ចម្លើយជាសាធារណៈតាមកញ្ចក់ទូរទស្សន៍កាលពីថ្ងៃទី៣០ ខែមិថុនា ឆ្នាំ​២០២១។

គួររំលឹក​ថា លោក ពូទីន បានចាក់វ៉ាក់សាំងដូសទី១ និងទី២ កាលពី​ខែមីនា និងមេសា ប៉ុន្តែ​ពេលនោះ​គេមិនបាន​បង្ហាញប្រភេទវ៉ាក់សាំង​ដែល​លោកបានចាក់នោះទេ ហើយក៏គ្មានបង្ហាញរូបថតដែរ។

ប្រធានាធិបតីវ័យ៦៨ឆ្នាំរូបនេះ បាននិយាយដូច្នេះថា៖ «ខ្ញុំយល់ឃើញ​ថា ខ្ញុំ​ត្រូវការ​ការពារ​ (ពី​កូវីដ១៩) កាន់តែយូរ។ ដូច្នេះ ខ្ញុំ​ជ្រើសរើស​ចាក់វ៉ាក់សាំង Sputnik V។ យោធាក៏ទទួលចាក់ Sputnik V ដែរ ហើយ​បន្ទាប់មកទាំងអស់ខ្ញុំ​គឺជាអគ្គមេបញ្ជាការ»។

លោកបន្តថា បន្ទាប់ពីចាក់ដូសទី១រួចហើយ លោកគ្មាន​អារម្មណ៍ថារងផលប៉ះពាល់អ្វីទាំងអស់។ ប៉ុន្តែប្រហែល​៤ម៉ោងក្រោយមក មានការឈឺខ្លះៗត្រង់​កន្លែងចាក់។ ចំណែក​ការចាក់ដូសទី២ គឺពេលថ្ងៃត្រង់ ហើយនៅពេល​កម្តៅរបស់លោក​ឡើងដល់ ៣៧,២អង្សារសេ។ បន្ទាប់មកលោកក្រោកពីដេកវិញ​គឺកម្តៅធ្លាក់ចុះមក ៣៦,៦អង្សារសេ៕