ខ្សែប្រយុទ្ធក្រុមជម្រើសជាតិប្រេស៊ីល Neymar ចង់ឱ្យអាហ្សង់ទីនឡើងទៅវគ្គផ្តាច់ព្រ័ត្រ Copa America ហើយប្រេស៊ីល​នឹងអាចយកឈ្នះលើកពានរង្វាន់នេះបាន។

ក្រោយប្រេស៊ីល ប្រកួតឈ្នះប៉េរូ ១-០ នៅវគ្គពាក់កណ្តាលផ្តាច់ព្រ័ត្រ​ព្រឹកនេះ Neymar និយាយដូច្នេះថា៖ «ខ្ញុំចង់ឱ្យអាហ្សង់ទីន ឡើងទៅដែរ ខ្ញុំមាន​មិត្ត​ច្រើននៅទីនោះ ហើយ​វគ្គផ្តាច់ព្រ័ត្រ​ ប្រេស៊ីល​នឹង​ឈ្នះ»។

អាហ្សង់ទីន នឹងប្រកួតទល់នឹង កូឡុំប៊ី នៅវគ្គ semi-final ព្រឹកស្អែក។

កាលពីឆ្នាំ២០០៧ ប្រេស៊ីល និងអាហ្សង់ទីន បាន​ប៉ះគ្នានៅវគ្គផ្តាច់ព្រ័ត្រ Copa America ពេលនោះ ប្រេស៊ីល ឈ្នះ អាហ្សង់ទីន ៣-០៕