​ក្រុមហ៊ុនបច្ចេកវិទ្យាមួយ នឹងផលិតទូរសព្ទ flying camera កាមេរ៉ាមុខហោះដាច់ចេញពីតួខ្លួន

  • 2021-07-06 04:27:59
  • ចំនួនមតិ 0 | ចំនួនចែករំលែក 0

ចន្លោះមិនឃើញ


​ក្រុមហ៊ុន​ VIVO ​បាន​បំពេញ​រួចរាល់​នូវ​ប៉ាតង់​ផលិត​ស្មាតហ្វូននាពេលអនាគតរបស់ខ្លួន។

ក្រុមហ៊ុនបច្ចេកវិទ្យាផលិត​ស្មាតហ្វូន​ដ៏ល្បីល្បាញ​មានមូលដ្ឋាននៅចិនខាងលើនេះ ទើបនឹងបញ្ចេញឲ្យដឹងនូវដំណឹងខ្លះៗពីប៉ាតង់នោះគឺប្រភេទ កាមេរ៉ាមុខដាច់ចេញពីតួខ្លួន មានសណ្ឋានដូច drone ដោយហេតុថា នៅខាងក្នុងកាមេរ៉ាមុខ មួយដុំនោះមានបង្កប់ដោយកង្ហារវិលដំបូងគេបង្អស់(ដូចរូប)។ កាមេរ៉ាមានឈ្មោះថា Flying Drone Camera Phone ឬ «detachable drone-like camera module»។

រូបក្នុងប៉ាតង់

​បើ​យើងមើលមួយភ្លែតសណ្ឋាននៃទម្រង់កាមេរ៉ានេះវាស្ថិតនៅខាងក្នុងតួទូរសព្ទ តែអាចចេញក្រៅ ឬចូលក្នុងបាន អាចហៅថា Pop-up camera។ ត្រង់នេះ គេនៅមិនទាន់ទទួលបានព័ត៌មានច្រើនយកមករៀបរាប់ប្រាប់លម្អិតពីដំណើការវាយ៉ាងណានោះទេ គ្រាន់តែដឹងថា មុខងារផ្តាច់តួកាមេរ៉ាចេញបានត្រូវបញ្ជាដោយ Apps ឬភ្ជាប់ជាមួយ air gesture ណាមួយ។

ចំពោះ​មហិច្ឆតាបង្កើតថ្មី ប្លែករបស់ VIVO ចុះបញ្ជីការរួចរាល់ហើយនៅចាំតែចូលរោងចក្រប៉ុណ្ណោះ។

ទម្រង់ concept រូបរាង

​រំឮកដែរថាកន្លងមក VIVO តែងតែឈានមុខគេលើរបកគំហើញបែបនេះ ធ្លាប់ធ្វើឲ្យពិភពលោកភ្ញាក់ផ្អើលម្ដងជាពីរដងរួចមកហើយដែលជាផលិតដំបូងគេលើលោកដូចជា ស្មាតហ្វូនបង្កប់ស្កេនខ្ចៅដៃ (ក្រយៅដៃក្នុងអេក្រង់) In-Display fingerprint scanner ឬ កាមេរ៉ាមុខផុសមកលើពេលចុច pop-up camera និងកាមេរ៉ាមុខថតមានលំនឹង Stabilize ឬ gimbal stabilization camera ជាដើម។ល។

កាមេរ៉ាមុខ under-display selfie camera ដំបូងបង្អស់ក្នុងលោក

ទស្សនាវីដេអូខ្លីខាងក្រោម៖

ប្រភព៖ gizguide ប្រែ​សម្រួល៖ រក្សា

;