ក្រសួង​សុខាភិបាល​ថៃ បាន​ប្រកាស​នៅថ្ងៃទី១២ កក្កដា ២០២១ថា ថៃ​នឹង​ប្រើប្រាស់​វ៉ាក់សាំង AstraZeneca ជាដូសទី២ សម្រាប់​អ្នក​ដែល​ចាក់ Sinovac ដូសទី១ ដើម្បីបង្កើន​ប្រព័ន្ធការពារ​ប្រឆាំងនឹង​កូវីដ១៩។

ការ​ប្រកាស​ផែនការ​នេះ បន្ទាប់ពី​ថៃ​បានសិក្សា​ឃើញ​ថា ប្រព័ន្ធការពារ​បានកើនឡើង​ទ្វេដង​ ពោលគឺមានរយៈពេលយូរជាង​ការចាក់វ៉ាក់សាំង Sinovac ២ដូសទៅទៀត។ វាក៏ធ្វើឡើង​បន្ទាប់ពីមានគ្រូពេទ្យ​ថៃជាង ៦០០នាក់ ត្រូវបានរកឃើញ​ថា ឆ្លងកូវីដ១៩ បើទោះបីជាចាក់គ្រប់២ដូសហើយក៏ដោយ។

លោក Anutin Charnvirakul រដ្ឋមន្រ្តីសុខាភិបាលថៃ ថ្លែងថា៖ «នេះ​គឺ​វាបានធ្វើឱ្យ​បង្កើនប្រព័ន្ធការពារពី​វីរុស Delta និង​បង្កើតកម្រិតខ្ពស់​នៃភាពសុំា​ប្រឆាំង​ជំងឺនេះ។ ការចាក់ AstraZeneca ជាដូសទី២ នឹង​ធ្វើឡើង​ពី៣ ឬ ៤សប្តាហ៍​បន្ទាប់ពីចាក់ Sinovac ដូសទី១»។

យ៉ាងណាមិញ ជុំវិញ​ការចាក់លាយ​ចម្រុះវ៉ាក់សាំងគ្នានេះ ត្រូវបាន​អ្នកជំនាញអង្គការ​សុខភាព​ពិភពលោក ព្រមានថាវា​អាចនឹង​មានគ្រោះថ្នាក់ ព្រោះទិន្នន័យនៃការសិក្សានេះ មិនទាន់គ្រប់គ្រាន់នៅឡើយ៕