បន្ទាប់ពី​មាន​អគារកប់ពពក​ខ្ពស់​ជាងគេ និងផ្សារទំនើប​ធំជាងគេ​ក្នុងពិភពលោក ពេលនេះ​ឌូបៃ​ ទើប​តែបើកដំណើរ​កន្លែងទាក់ទាញ​ទេសចរណ៍ថ្មីមួយទៀត គឺ​ជាអាង​ទឹក​ដ៏ជ្រៅបំផុត។

អាងទឹក​នេះ មានជម្រៅ​រហូតដល់ ៦០ម៉ែត្រ ជាផ្នែកមួយ​នៃទីក្រុងក្រោមទឹក។ ជម្រៅនេះ គឺបានបំបែក​កំណត់ត្រា អាងទឹក​របស់ប្រទេសប៉ូឡូញ ដែលមានជម្រៅ ៤៥ម៉ែត្រ។

អាងទឹក​ឌូបៃនេះ ផ្ទុកទឹក ១៤លានលីត្រ ស្មើនឹង​អាងហែលទឹក​អូឡាំពិក ៦ដង ជាមួយសីតុណ្ហភាព ៣០អង្សារសេ។ អាងនេះ​មានបំពាក់កាមេរ៉ាប្រហែល ៥៦គ្រឿង ដើម្បី​ធានាសុវត្ថិភាព​ដល់​អ្នកមុជទឹកគ្រប់ជ្រុងទាំងអស់៕