នៅពេលឮឈ្មោះ “Nokia” ក្នុងបេះដូងអ្នកធ្លាប់គាំទ្រនឹងចងចាំពាក្យមួយឃ្លាគឺ ម៉ាកទូរសព្ទកំពូលធន់ប្រើបានយូរ មហារឹង ដំទឺកកកដាក់កែវ ក៏អត់បែកដែរ។

ស្រាប់តែពេលថ្មីៗនេះ Nokia នៅតែបន្តប្រើប្រាស់ពាក្យស្លោកប្រចាំត្រកូលរបស់ខ្លួនមក អង្រួនបេះដូងអ្នកគាំទ្រឲ្យនឹកឃើញរឿងដើម លើអនាគតស្មាតហ្វូនជំនាន់ថ្មីដោយសរសេរថា៖ “ជាមួយទូរសព្ទ Nokia ជំនាន់ថ្មីអ្នកនឹងមិនបាច់ប្រើ Case ទេ” ។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

ក្នុងនោះដែរ Nokia ក៏បានសរសេរលើភ្ជាប់ផុសថា ថ្ងៃទី២៧ ខែ៧ ឆ្នាំ២០២១ គឺជាថ្ងៃប្រកាសចេញស្មាតហ្វូនជំនាន់ថ្មីរបស់ខ្លួនផងដែរ។

ស្មាតហ្វូនជំនាន់ថ្មីនោះ នឹងប្រើប្រាស់លែនកាមេរ៉ា ៤ គ្រាប់រាងរង្វង់ ដោយសហការចាប់ដៃនឹងក្រុមហ៊ុនផលិតឡេន ZEISS នៅកណ្ដាលស្រដៀងទៅនឹង Nokia X10 និង X20 ដូច្នោះដែរ។

ទោះជាមិនទាន់មានដំណឹងលេចធ្លាយច្រើនពី អនាគតស្មាតហ្វូនជំនាន់ថ្មីរបស់ Nokia នោះឡើយ ប៉ុន្ដែតាមដំណឹងចចាមអារ៉ាមខ្លះ រំពឹងទុកថា ស្មាតហ្វូននេះត្រៀមបញ្ចេញដូចរូបមួយសន្លឹកខាងលើទំនងជាមានឈ្មោះថា Nokia XR20 ៕