អង់គ្លេសប្រកាសបញ្ជូន​នាវាសង្គ្រាម​មកអាស៊ី តែចិនថាសូមគោរព​គេឯងផង

  • 2021-07-21 04:04:53
  • ចំនួនមតិ 0 | ចំនួនចែករំលែក 1

ចន្លោះមិនឃើញ


អង់គ្លេស​បាន​ប្រកាស​ថា ខ្លួន​នឹង​បញ្ជូននាវាសង្គ្រាម​២គ្រឿង​មកដែនទឹក​ក្នុងតំបន់​អាស៊ី។ ការប្រកាសនេះ គឺធ្វើឡើង​ក្នុងសេចក្តីថ្លែងការណ៍រួមគ្នា​រវាង​រដ្ឋមន្រ្តីការពារជាតិអង់គ្លេសលោក Ben Wallace និងរដ្ឋមន្រ្តី​ការពារជាតិជប៉ុន លោក Nobuo Kishi កាលពី​ថ្ងៃទី២០ ខែកក្កដា ឆ្នាំ ២០២១។

នាវាសង្គ្រាមទាំង២គ្រឿងគឺ HMS Spey និង HMS Tamar ដែលគ្រោងនឹងបញ្ជូន​មកតំបន់អាស៊ី នៅក្នុងខែសីហាខាងមុខនេះ គាំទ្រ​ដោយ​នាវាពី​ប្រទេសអូស្ត្រាលី ជប៉ុន និង​សិង្ហបុរី។

ជាមួយគ្នានេះ រដ្ឋមន្រ្តីការពារជាតិជប៉ុន បាន​ថ្លែងថា៖ «យើងបញ្ជាក់ឡើងវិញ​នូវគោលចំហររួមគ្នារបស់យើង ក្នុងការប្រឆាំង​នឹងការប៉ុនប៉ងផ្លាស់ប្តូរស្ថានការណ៍ដោយការបង្ខិតបង្ខំ និង​បង្ហាញ​ពី​សារៈសំខាន់​នៃសេរីភាព​ និងបើកចំហរ​ឥណ្ឌូ-ប៉ាស៊ីហ្វិក ស្របតាមច្បាប់»។

ជាការឆ្លើយតប អ្នកនាំពាក្យក្រសួងការបរទេសចិន បានលើកឡើងថា៖ «ចិនសង្ឃឹមថា បណ្តា​ប្រទេស​នៅក្រៅតំបន់​ នឹងគោរព​តាមឆន្ទៈ​របស់​ប្រទេសក្នុងតំបន់ ដើម្បីរក្សា​ស្ថិរភាព និងសន្តិភាព និង​ជំរុញ​កិច្ចសហប្រតិបត្តិការ​សម្រាប់​ការអភិវឌ្ឍ និង​សូមបញ្ឈប់​សកម្មភាព​ដែល​ធ្វើឱ្យតំបន់​កាន់តែស្មុគ្រស្មាញ»៕

ប្រភព៖ CGTN

;