កងទ័ពចិន​បានព្រមានថា ទំនប់វារី​អគ្គិសនី​នៅកណ្តាលប្រទេស អាចនឹង​បាក់រលំ​គ្រប់ពេល បន្ទាប់ពី​រងការខូចខាត​ដោយសារព្យុះដ៏ខ្លាំងមួយ។

នៅល្ងាចថ្ងៃទី២០ ខែកក្កដា ឆ្នាំ​២០២១ អង្គភាព​តំបន់​នៃ​កងទ័ពរំដោះប្រជាជនចិន បានព្រមាន​ថា ភ្លៀងធ្លាក់មិនឈប់ឈរ​បានធ្វើឱ្យទឹក​ក្នុងទំនប់​ Yihetan ឡើង​ដល់ ២០ម៉ែត្រ នៅក្រុងលូយ៉ាង ដែលមានប្រជាជន៧លាននាក់ ជាមួយនឹងហានិភ័យ​ដែល​អាចបាក់រលំពេលណាមួយ។

ទាហាន​មួយចំនួន​ត្រូវបាន​បញ្ជូនទៅកាន់ទីតាំងនោះ ដើម្បីត្រៀម​ជួយសង្គ្រោះបន្ទាន់បើមានហេតុការណ៍បាក់រលំកើតឡើង និង​មានទឹកជំនន់ធ្ងន់ធ្ងរ។

សូមរំលឹកថា ទំនប់វារីអគ្គិសនីចំនួន២ នៅ​តំបន់ Inner Mongolia បាន​បាក់រលំរួចមកហើយ បន្ទាប់ពីមានភ្លៀងធ្លាក់ខ្លាំង៕