ចិនគំរាមបាញ់នុយក្លេអ៊ែរដាក់ជប៉ុន បើហ៊ានលូកដៃចូលជួយតៃវ៉ាន់ពេលផ្ទុះសង្គ្រាម (វីដេអូ)

2021-07-22 03:02:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បក្សកុម្មុយនីស្តចិន បានបញ្ចេញវីដេអូមួយដែលបង្ហាញពីការឆ្លើយតបរបស់ខ្លួនប្រើប្រាស់នុយក្លេអ៊ែរទៅលើជប៉ុន ប្រសិនបើប្រទេសនេះ ហ៊ានលូកដៃជួយតៃវ៉ាន់ ពេលមានការផ្ទុះសង្គ្រាម។

ក្នុងវីដេអូនោះ បាននិយាយថា៖ «ដំបូង យើងនឹងប្រើគ្រាប់បែកនុយក្លេអ៊ែរ។ យើងនឹងប្រើគ្រាប់បែកបន្តទៀត។ យើងនឹងធ្វើបែបនេះរហូតទាល់តែជប៉ុនប្រកាសចុះចាញ់ដោយគ្មានលក្ខខណ្ឌ»។

ចិនអះអាងថា ខ្លួននឹងរំដោះតៃវ៉ាន់ ហើយព្រមានជប៉ុនថា នឹងចល័តទ័ព យន្តហោះ ឬនាវា។

សូមទស្សនាវីដេអូ៖

គួរដឹងថា ការគំរាមនេះធ្វើឡើងបន្ទាប់ពីលោក Taro Aso ឧបនាយករដ្ឋមន្រ្តីជប៉ុន ប្រកាសថា ជប៉ុននឹងចូលរួមជាមួយអាមេរិក ការពារតៃវ៉ាន់ ប្រឆាំងនឹងការឈ្លានពានរបស់ចិន ព្រោះវាអាចនឹងបន្តប៉ះពាល់ដល់ទឹកដីជប៉ុន។

លោកនិយាយដូច្នេះថា៖ «ប្រសិនបើបញ្ហាសំខាន់មួយបានកើតឡើងនៅតៃវ៉ាន់ នោះគឺវាអាចគំរាមដល់ជប៉ុន។ ក្នុងករណីនេះ ជប៉ុន និងអាមេរិក នឹងធ្វើការរួមគ្នាដើម្បីការពារតៃវ៉ាន់។ យើងត្រូវតែគិតគូរយ៉ាងម៉ត់ចត់អំពីកោះអូគីណាវ៉ា ដែលអាចជាទីតាំងបន្ទាប់ ដែលនឹងត្រូវឈ្លានពាន»៕

ប្រភព៖ Foxnews