ប្រធានាធិបតីចិន លោក ស៊ី ជិនពីង បាន​ធ្វើទស្សនកិច្ច​ទៅកាន់​តំបន់ទីបេ នៅថ្ងៃទី២២ ខែកក្កដា ឆ្នាំ​២០២១។ នេះជាលើកដំបូងហើយ​ក្នុងរយៈពេល​ជាង៣០ឆ្នាំមកនេះ ដែលមានមេដឹកនាំកំពូលចិន ទៅតំបន់ទីបេ។

បន្ទាប់ពីទៅដល់ព្រលានយន្តហោះ លោក ស៊ី ជិនពីង បាន​ទៅទស្សនកិច្ចនៅស្ពាន Nyang River ដើម្បី​ស្វែងយល់​អំពីការការពារ​អេកូឡូស៊ី និង​បរិស្ថាននៃទន្លេ Yarlung Tsangpo និង​ទន្លេ Nyang។

លោកប្រធានាធិបតី បាន​ទៅ​សារមន្ទីរក្រុង Nyingchi និង​តំបន់ផ្សេងៗទៀត ដើម្បី​ស្វែងយល់​ពីផែនការអភិវឌ្ឍន៍ក្រុង។ លោកបន្តដំណើរ​ទៅកាន់​ស្ថានីយរថភ្លើង Nyingchi ដើម្បីស្វែងយល់​ពីខ្សែរថភ្លើង ស៊ីឈួន-ទីបេ។ បន្ទាប់មកទៅកាន់រដ្ឋធានី Lhasa ដោយនៅទីនោះ​លោកបាន​ទៅទីលាន Potala Palace (ជាអតីតកន្លែងស្នាក់នៅរបស់ដាឡៃឡាម៉ា) និង​ត្រួតពិនិត្យ​ការការពារ​កេរ្តិ៍មរតកវប្បធម៌ទីបេ និង​សាសនាជនជាតិភាគតិច៕