ពូទីន អួត​សំញែង​កងទ័ពជើងទឹក ក្រោយ​ឃើញ​នាវាសង្គ្រាម​អង់គ្លេស ចេះតែបៀតបៀនពេក

  • 2021-07-27 02:27:17
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ប្រធានាធិបតី​រុស្ស៊ី លោក វ្លាឌីមៀ ពូទីន បាន​អះអាងថា កងទ័ពជើងទឹក​រុស្ស៊ី អាច​អង្កេត​ឃើញ​គ្រប់សត្រូវទាំងអស់ ហើយ​បើកការវាយប្រហារ​ភ្លាមៗ​បើចាំបាច់។ ការថ្លែងនេះ បន្ទាប់ពី​នាវាសង្គ្រាម​អង់គ្លេស បាន​ឆ្លងកាត់​ឧបទ្វីបគ្រីមា​ក្នុងសមុទ្រខ្មៅ។

ក្នុងព្យុហយាត្រាកងទ័ពជើងទឹក​នៅក្រុង St Petersburg លោកពូទីន បញ្ជាក់​ដូច្នេះថា៖ «យើង​មាន​សមត្ថភាព​អង្កេត​ឃើញ​សត្រូវ​ក្រោមទឹក លើទឹក និងលើអាកាស ហើយ​ប្រសិនបើចាំបាច់ នឹង​អនុវត្ត​ការវាយប្រហារ​ដែលមិនអាចទប់ទល់បាន»។

គួររំលឹក​ដែរថា កាលពីថ្មីៗនេះ ប្រធានាធិបតី​រុស្ស៊ីរូបនេះ បាន​និយាយ​ថា ហេតុការណ៍​មួយ​ដែល​ពាក់ព័ន្ធ​នឹង​នាវាពិឃាដ​អង់គ្លេស ​នៅក្នុង​សមុទ្រ​ខ្មៅ គឺ​មិនអាច​បង្ក​ជាជម្លោះ​សកល ឬសង្គ្រាម​លោកលើកទី៣នោះទេ បើទោះបីជា​រុស្ស៊ី បាញ់ពន្លិច​នាវាអង់គ្លេសនោះ​ក៏ដោយ ព្រោះលោកខាងលិច​ដឹងខ្លួនថា មិនអាចយកឈ្នះ​ក្នុងសង្គ្រាមនេះ​បានឡើយ។

លោក​បាន​លើកឡើង​ថា នាវាពិឃាដអង់គ្លេស HMS Defender បាន​ចូល​ក្នុង​ដែន​ទឹកខ្លួន​ដោយ​ខុសច្បាប់​នៅជិត​តំបន់គ្រីមា ដើម្បី​វាស់ស្ទង់​កម្លាំង​ទ័ពរុស្ស៊ី។ លោក​ចោទថា នាវានោះ​បាន​សហការលួច​ឈ្លប​ការណ៍​ជាមួយ​យន្តហោះ​ចារកម្ម​អាមេរិក ដើម្បី​គ្រប់គ្រង​នឹង​ការឆ្លើយតប​យោធា​រុស្ស៊ី៕

ប្រភព៖ CNBC

អត្ថបទថ្មី
;