បច្ចុប្បន្នភាពនៃសំណង់អគារសម័យបារាំងនៅកណ្តាលរាជធានីភ្នំពេញ [ព័ត៌មានរូបថត]

2021-07-28 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រស់នៅក្រោមនឹមត្រួតត្រារបស់បារាំង ៩០ឆ្នាំ (១៨៦៣-១៩៥៣) មុនទទួលបានឯករាជ្យថ្ងៃទី៩ ខែវិច្ឆិកា ឆ្នាំ១៩៥៣ ដោយស្នាមព្រះហស្ថព្រះបរមរតនកោដ្ឋព្រះបាទ នរោតម្ត សីហនុ ។ រយះពេល៩០ឆ្នាំរបស់បារាំងនៅកម្ពុជាបានបន្សល់ទុកសំណងស្ថាបត្យកម្មរចនាបថបារាំងជាច្រើនដែលនៅរាយប៉ាយនៅទឹកដីកម្ពុជា។

សំណង់អគារដែលសល់ទាំងនោះមានដូចជា អគារស្នាក់នៅ កន្លែងធ្វើការ ផ្ទះ សណ្ឋាគារ ជាដើម។ សម្រាប់នៅរាជធានីភ្នំពេញនៅមានសំណង់អគារទាំងនេះដែលភាគច្រើននៅជុំវិញវត្តភ្នំ ផ្សារកណ្តាល ផ្សារចាស់ មុខវាំង និងនៅតំបន់មួយចំនួនផ្សេងទៀត។

ខាងក្រោមនេះជាបច្ទុប្បន្នភាពអគារកសាងនៅសម័យបារាំងចំនួន ៦កន្លែងនៅរាជធានីភ្នំពេញដែលទុកចោល និងបន្តដំណើរការ។

អគាររបស់អង្កការយូណេស្កូប្រចាំនៅកម្ពុជា អគារនេះគឺជាអតីតវិឡារបស់គ្រួសារចៅចិននាសម័យនោះ ដែលកសាងនៅចន្លោះឆ្នាំ ១៩១០-១៩២០

សណ្ឋាគារផ្កាយ៥ Raffle Le Royal បច្ចុប្បន្ន អគារនេះគឺជាអតីតសណ្ឋាគារ ឡឺ រ៉ូយ៉ាល់ ដែលកសាងឡើងនៅអំឡុង ១៩២៣-២៤ មាន៥៤បន្ទប់ ដោយស្ថាបត្យករជនជាតិបារាំងលោក Ernest Hebrard និងត្រូវបានបើកឲ្យដំណើរការនៅក្នុងឆ្នាំ១៩២៩ក្រោមព្រះរាជាធិបតីព្រះបាទស៊ីសុវត្ថិ មុនីវង្ស

នេះជាអតីតអគារ ធនាគារបារាំង Banque de l'Indochine ប្រចាំនៅភ្នំពេញ ដែលបច្ចុប្បន្នជាភោជនីយដ្ឋាន Palais។ អគារនេះកសាងនៅចន្លោះឆ្នាំ១៨៩០-១៩១០។

អគារនេះគឺជា សណ្ឋាគារ Grand Hotel Manolis ដែលមានទីតាំងនៅទល់មុខអគារប្រៃសណីយ៍កម្ពុជា សាងសង់នៅដើមសតវត្សរ៍ទី ២០។ សព្វថ្ងៃអគារនេះក្លាយជាផ្ទះស្នាក់នៅរបស់ប្រជាជន ដែលមួយភាគធំបានក្លាយជាកម្មសិទ្ធិរបស់សេដ្ឋីមួយរូប។

នេះជាអគារអតីតអគ្គស្នងការរដ្ឋាននគបាលសម័យបារាំង ដែលកសាងនៅឆ្នាំ១៨៩២ ហើយត្រូវបានជួសជុលឡើងវិញនៅចុងទសវត្សឆ្នាំ ១៩២០ និងដើមទសវត្សរ៍ ៣០។ បច្ចុប្បន្នអគារនៅខាងជើងអគារប្រៃសណីយ៍កម្ពុជានេះជាអគារខ្មោចទុកចោល