វៀតណាមត្អូញត្អែររឿងវ៉ាក់សាំង នៅ UN

2021-07-28 04:05:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តំណាងអចិន្រ្តៃយ៍ប្រចាំអង្គការសហប្រជាជាតិ លោក Dang Dinh Quy បានរិះគន់អំពីភាពមិនស្មើគ្នានៃការបែងចែកវ៉ាក់សាំងរវាងប្រទេសជាច្រើន ដែលបានបង្អាក់ដល់កិច្ចប្រឹងប្រែងកសាងសន្តិភាព និងការសម្រេចបាននូវការអភិវឌ្ឍ។ ការលើកឡើងនេះ ក្នុងកិច្ចប្រជុំមួយកាលពីថ្ងៃទី២៧កក្កដា។

លោកបានសង្កត់ធ្ងន់ពីភាពចាំបាច់ក្នុងការធានាថា គ្រប់គ្នាត្រូវតែបានចាក់វ៉ាក់សាំង ពោលគឺក្នុងនោះលោកបានអំពាវនាវឱ្យបណ្តាប្រទេសផ្តល់នូវការគាំទ្រហិរញ្ញវត្ថុ និងការផ្គត់ផ្គង់វ៉ាក់សាំងសម្រាប់កូវ៉ាក់។

លោក Dang Dinh Quy ក៏បានកត់សម្គាល់ពីសារៈសំខាន់នៃវិធានការរយៈពេលវែងដូចជាការពារ និងបញ្ចប់ជម្លោះ ជំរុញការអភិវឌ្ឍសេដ្ឋកិច្ច បង្កើនជីវភាពរស់នៅរបស់ប្រជាជន ផ្តល់ហិរញ្ញវត្ថុសម្រាប់ការអភិវឌ្ឍ អាកាសធាតុ និងបញ្ហាប្រឈមនៃជំងឺរាតត្បាត៕

ប្រភព៖ Vietnam News