ប្រាយុទ្ធថា កូវីដនៅថៃ​អស់ខ្លាំង​ត្រឹម១ខែទៀត

  • 2021-07-29 03:41:51
  • ចំនួនមតិ 0 | ចំនួនចែករំលែក 0

ចន្លោះមិនឃើញ


នាយករដ្ឋមន្រ្តីថៃ លោក ប្រាយុទ្ធ ចាន់អូចា បាន​បង្ហាញ​ក្តីសង្ឃឹម​ថា ស្ថានភាពកូវីដ១៩​ ក្នុងប្រទេស​ នឹងកាន់តែធូរស្រាល​ក្នុងរយៈពេល ៤ ទៅ ៦​សប្តាហ៍ទៀត។

ក្នុង​អំឡុង​កិច្ច​ប្រជុំ​មួយ​ កាលពីម្សិលមិញនេះ លោក​ប្រាយុទ្ធ និយាយដូច្នេះថា៖ «ខ្ញុំ​សង្ឃឹម​ថា ស្ថានភាព​នឹង​កាន់តែល្អប្រសើរ ក្នុងរយៈពេល៤ ទៅ ៦សប្តាហ៍ក្រោយ ដោយផ្អែក​លើ​ភស្តុតាង​វេជ្ជសាស្រ្ត​បច្ចុប្បន្ន»។

លោកបន្តថា៖ «ប៉ុន្តែ​ខ្ញុំ​បារម្ភ​អំពីការប្រើប្រាស់​តេស្តរហ័ស។ ខ្ញុំ​មិន​ប្រាកដថាតើពួកគេ​ដឹងពី​របៀបប្រើប្រាស់​ត្រឹមត្រូវ​ឬអត់»។

ជាមួយគ្នានេះ នាយករដ្ឋមន្រ្តីថៃ បាន​ប្រាប់ទៅកាន់អភិបាល​ខេត្តក្រុងទាំងអស់ រាយការណ៍បញ្ហាឱ្យទាន់ពេលវេលា ដើម្បីចាត់​វិធានការដោះស្រាយ។ ក្នុងនោះក៏បាន​ណែនាំ​ឱ្យទប់ស្កាត់​ការចម្លង​របស់​មនុស្ស​ដែល​ឆ្លងកាត់​ខេត្ត៕

ប្រភព៖ Bangkokpost

;