អាជ្ញាធរជាតិព្រះវិហារបានចាប់ផ្តេីមសាងសង់មណ្ឌលបដិសណ្ឋារកិច្ចសម្រាប់ទទួលភ្ញៀវទេសចរជាតិ និងអន្តរជាតិមកទស្សនារមណីយដ្ឋានប្រាសាទព្រះវិហារនាពេលខាងមុខ។

មានទីតាំងស្ថិតនៅទល់មុខសារមន្ទីរធម្មជាតិសកល សម្ដេចតេជោ ហ៊ុន សែន ព្រះវិហារ មណ្ឌលបដិសណ្ឋារកិច្ចនេះ​រួមមាន អគារផ្តល់សំបុត្រ អគារព័ត៌មានទេសចរណ៍ អគាររង់ចាំ​ ចំណតសាធារណៈ ចំណតសហគមន៍​ និងបន្ទប់ទឹក។

បន្ទាប់ពីសាងសង់រួចនៅពាក់កណ្តាលឆ្នាំ២០២២ខាងមុខ​ មណ្ឌលបដិសណ្ឋារកិច្ច​នេះ​ នឹងក្លាយជាគោលដៅទេសចរណ៍មួយសម្រាប់ភ្ញៀវទេសចរមកទស្សនាប្រាសាទព្រះវិហារ​ ហេីយអាចផ្សារភ្ជាប់ទៅនឹងគោលដៅទេសចរណ៍ផ្សេងៗទៀតក្នុងតំបន់៕