ការសិក្សាជាក់ស្តែងអំពីការចាក់វ៉ាក់សាំង Sinovac នៅប្រទេស​ឥណ្ឌូណេស៊ី បង្ហាញថា វ៉ាក់សាំងនេះ​មាន​ប្រសិទ្ធភាព​ ៨៥% ក្នុងការការពារពីការឆ្លងជំងឺកូវីដ១៩ និង ៩២% មិនចាំបាច់​បញ្ជូនទៅមន្ទីរពេទ្យ និង ៩៥% ការពារ​ពីការ​ស្លាប់។ នេះបើតាម​ទិន្នន័យ​របស់​ក្រសួង​សុខាភិបាល​​ឥណ្ឌូណេស៊ី ដែលផ្សព្វផ្សាយកាលពីថ្ងៃទី៦ សីហា ២០២១។

យ៉ាងណាមិញ ចំពោះ​អ្នកដែលបានចាក់ Sinovac ត្រឹមដូសទី១ គឺ​បានជួយ​កាត់បន្ថយការឆ្លងកូវីដ១៩ ដល់ ៣៥%។

សូមជម្រាប​ថា ការសិក្សានេះ​គឺ​ធ្វើទៅលើ​មនុស្សចំនួន ៨៦ ៩៣៦នាក់ នៅក្នុងហ្សាការតា ដែលមានអាយុចាប់ពី ៦០ឆ្នាំឡើង ក្នុងចន្លោះខែមីនា ដល់ខែមេសា ឆ្នាំ២០២១។

ការសិក្សាដាច់ដោយឡែកផ្សេងទៀត ដែលធ្វើតែទៅលើ​បុគ្គលិកពេទ្យចំនួន ២៥ ៣៧៤នាក់ ពីខែមករា ដល់ មីនា ក៏បង្ហាញដែរថា វ៉ាក់សាំង Sinovac មានប្រសិទ្ធភាព ៩៤% ការពារការឆ្លង, ៩៦% មិនបាច់បញ្ជូនទៅពេទ្យ និង ១០០% ការពារពីការស្លាប់៕