ប្រជាជនអ៊ីស្រាអែល ១៤នាក់​ បាន​ឆ្លងមេរោគ​កូវីដ១៩ បើទោះបីជាបានចាក់វ៉ាក់សាំង Pfizer ៣ដូសហើយ។ នេះបើតាមការ​បញ្ជាក់​របស់​ក្រសួងសុខាភិបាល​អ៊ីស្រាអែល កាលពីថ្ងៃទី៨ សីហា ២០២១។

អ្នកជំងឺ ១១នាក់ ក្នុងចំណោម ១៤នាក់ខាងលើ គឺមានអាយុលើសពី ៦០ឆ្នាំ ក្នុងនោះ ២នាក់​ត្រូវបាន​បញ្ជូន​ទៅព្យាបាល​នៅមន្ទីរពេទ្យ។

យ៉ាងណាក៏ដោយ ក្រសួងមិនទាន់អាចបញ្ជាក់បានទេ​ថា អ្នកវិជ្ជមានកូវីដ១៩ ទាំង១៤នាក់ បាន​ឆ្លងមុន ឬក្រោយចាក់ដូសទី៣ នោះទេ។

អ៊ីស្រាអែល បាន​ចាប់ផ្តើម​ចាក់ដូសជំរុញ​ ឬដូសទី៣ កាលពីសប្តាហ៍មុន ដោយមកដល់ពេលនេះ គឺចាក់បានជាង ៤០ម៉ឺននាក់ហើយ៕