មជ្ឈមណ្ឌល​គ្រប់គ្រង​ជំងឺឆ្លងអាមេរិក (CDC) នៅ​ថ្ងៃទី៩ ខែសីហា ឆ្នាំ​២០២១ បាន​ព្រមាន​ដល់​ប្រជាជន​ខ្លួន​ កុំឱ្យធ្វើដំណើរ​ទៅប្រទេសថៃ អ៊ីស្រាអែល បារាំង អ៊ីស្លង់ និងប្រទេសមួយចំនួន​ទៀត ដែលកំពុងមានការផ្ទុះករណីឆ្លងកូវីដ១៩ខ្លាំង។

CDC បានដាក់​បញ្ចូលថៃ អ៊ីស្រាអែល តំបន់វេសប៊េង និងហ្គាសា អារ៊ូបា និង French Polynesia ចូល​ក្នុងកម្រិត​ ៤ ដែលមាន​ហានិភ័យខ្ពស់ខ្លាំង។

CDC លើកឡើងថា៖ «ដោយសារតែ​ស្ថានការណ៍​បច្ចុប្បន្ន​ក្នុងប្រទេសថៃ សូមអ្នកធ្វើដំណើរ​ទាំងអស់​ទោះ​ជាចាក់វ៉ាក់សាំងហើយ​ក៏ដោយ ក៏នៅ​តែមានហានិភ័យ​ឆ្លង និង​រាលដាល​វីរុសបំប្លែងថ្មី»។

ក្រសួងសុខាភិបាលថៃ បាន​ឱ្យដឹងនៅថ្ងៃអង្គារនេះថា ថៃ​បានជួបករណីស្លាប់ច្រើនបំផុតចំនួន២៣៥នាក់ និង​ករណីឆ្លងថ្មី ១៩ ៨៤៣នាក់ ក្នុងរយៈពេល ២៤ម៉ោងចុងក្រោយ៕