Jing Tian និង​តួ​ក្នុងរឿង​មហិច្ឆិតា​អ៊ូម៉ីនាង​ត្រូវ​ស៊ើប​អង្កេត​ព្រោះ​តែ​ស៊ី​ថ្លៃច្រើន​ពេក​

  • 2021-08-16 08:50:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ


​តារា​សម្ដែង​ស្រី​ចិន Jing Tian និង​តារា​សម្ដែង​ប្រុស Lee Zhi Ting ទទួល​បាន​តម្លៃ​ខ្លួន​ច្រើន​ហួស​ពេក ធ្វើ​ឲ្យ​នាយកដ្ឋាន​ពន្ធ​ត្រូវ​ចូល​ខ្លួន​មក​ស៊ើបអង្កេត។

កាល​ពី​ថ្ងៃ​ទី ១៥ ខែ​សីហា​កន្លង​ទៅ​នេះ បណ្ដាញ​ព័ត៌មាន 163 បាន​រាយការណ៍​ថា កាល​ពី​ឆ្នាំ ២០១៧ តារា​សម្ដែង​ស្រី​ចិន Jing Tian និង Lee Zhi Ting បាន​ចូល​រួម​សម្ដែងនៅក្នុង​រឿង Swords of Legend។ នៅ​ពេល​នេះ ដោយ​សារ​តែ​​ក្រុម​ផលិតករ​ប្ដឹង​ភាគី ខាង​វិនិយោគទុន ទើប​​បែក​ធ្លាយ​តម្លៃ​ខ្លួន​របស់​តារា​ទាំង​២​នេះ​ចេញ​មក។

ប្រភព​ខាង​លើ​បាន​ឲ្យ​ដឹង​ថា​ បើ​តាម​ទិន្នន័យ​របស់​តុលាការ​ខេត្ត Anhui បាន​រក​ឃើញ​ថា ស្រី​ស្អាត​ខាង​លើ​ទទួល​បាន​តម្លៃ​ខ្លួន ១២.៣​លាន​ដុល្លារ ឯ​ខាង​ប្រុស​ស្អាត​វិញ​ទទួល​បាន​តម្លៃ​ខ្លួន ៧.៧​លាន​ដុល្លារ ដែល​ធ្វើ​ឲ្យ​ទស្សនិកជន​ស្ទើរ​តែ​មិន​ជឿ​នឹង​ភ្នែក​ខ្លួន​ឯង។

តាម​នោះ​ដែរ នៅ​ឆ្នាំ ២០១៧ Jing Tian មិន​មែន​ជា​តារា​ជួរ​មុខ​ឡើយ គួប​ផ្សំ​នឹង​សមត្ថភាព​នៅ​ខ្សោយ​ទៀត​នោះ ធ្វើ​ឲ្យ​តារា​ស្រី​អាយុ​៣៣​ឆ្នាំ​រង​ការ​រិះគន់​ខ្លាំង​។ 163​ បាន​ឲ្យ​ដឹង​ថា ក្នុង​ឆ្នាំ​២០១៧ សម្រាប់​តារា​ស្រី​ដែល​អាច​យក​តម្លៃ​ខ្លួន​ជាង​១០​លាន​ដុល្លារ​មាន​តែ Zhou Xun, Xun Li និង Yang Mi តែ​ប៉ុណ្ណោះ ដែល​ត្រូវ​បាន​​គេ​ទទួល​ស្គាល់​ទាំង​សមត្ថភាព និង​​ប្រជាប្រិយភាព។

ក្រៅ​ពី​នោះ​ដែរ នៅ​ពេល​នោះ សិល្បករទាំង​២​បាន​ប្រកាស​ទាប​ជាង​តម្លៃ​ខ្លួន​ពិត​ច្រើន​ខ្លាំង​ណាស់​ដើម្បី​កាត់បន្ថយ​ការ​កាត់​ពន្ធ ដែល​ធ្វើ​ឲ្យ​មន្ទីរពន្ធ​ខេត្ត Anhui ត្រូវ​លូក​ដៃ​ស៊ើប​អង្កេត​ដូច​គ្នា។ បច្ចុប្បន្ន​តារា​ទាំង​២​មិន​ទាន់​មាន​អ្នក​ណា​ចេញ​មុខ​បកស្រាយ​រឿង​ខាង​លើ​ឡើយ៕

ប្រភព៖ news.zing.vn ប្រែ​សម្រួល៖ Caramel

អត្ថបទពេញនិយម
;