រឿងអាស្រូវ Zhang Zhehan ឆ្លងដល់ថៅកែស្រីត្រចៀកកាំហើយ ទស្សនាវដ្ដីប្រកាសលុបរូបចោល
- 2021-08-17 01:50:00
- ចំនួនមតិ 0 | ចំនួនចែករំលែក 0
រឿងអាស្រូវ Zhang Zhehan ឆ្លងដល់ថៅកែស្រីត្រចៀកកាំហើយ ទស្សនាវដ្ដីប្រកាសលុបរូបចោល
ចន្លោះមិនឃើញ
ក្នុងនាមជាម្ចាស់ក្រុមហ៊ុនតំណាងរបស់តារាសម្ដែងប្រុសល្បីឈ្មោះចិន Zhang Zhehan កំពូលតារាសម្ដែងស្រី Zhao Wei ក៏រងការប៉ះទង្គិចយ៉ាងខ្លាំងដូចគ្នា។
កាលពីព្រឹកថ្ងៃទី ១៦ ខែសីហាកន្លងទៅនេះ បណ្ដាញព័ត៌មាន QQ បានរាយការណ៍ថាសិល្បករដែលរងផលប៉ះពាល់ពីរឿងអាស្រូវតារាសម្ដែងប្រុសចិន Zhang Zhehan មុនគេ គឺគ្មានអ្នកក្រៅពីម្ចាស់ក្រុមហ៊ុនរបស់លោក គឺតារាសម្ដែងស្រីចាស់វស្សា Zhao Wei។
នៅព្រឹកថ្ងៃដដែល ទស្សនាវដ្ដី Elle បានសម្រេចលុបឈ្មោះស្រីស្អាតអាយុ ៤៥ឆ្នាំចេញពីគ្របមុខសម្រាប់ខែកញ្ញាខាងមុខនេះ ដោយពួកគេនឹងប្រញាប់ថតថ្មី ដើម្បីជំនួសគ្របរបស់តួរឿងព្រះនាងយេយេ។ ក្រៅពីជាម្ចាស់ផលិតកម្មដែលជាជម្រករបស់តួរឿង Word of Honor ត្រចៀកកាំក៏ធ្លាប់មានរឿងអាស្រូវពាក់ព័ន្ធនឹងប្រទេសជាតិខ្លួនឯងដែរ ដោយកាលពីឆ្នាំ ២០០២ នាងបានស្លៀករ៉ូបដែលមានទង់ជាតិកងទ័ពជប៉ុន ដែលធ្វើឲ្យនាងត្រូវចេញមុខសូមទោសជាសាធារណៈ។
ទោះបីជាកំពុងត្រូវគេរិះគន់ខ្លាំងក្ដី ប៉ុន្តែគម្រោងភាពយន្តទាំងប៉ុន្មានរបស់តារាកើតឆ្នាំ ១៩៧៦ មិនទាន់ត្រូវបានគេលុបចោលដូចតារារបស់ខ្លួនឡើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
