ប្រជាជនហុងកុងក្ដៅចិត្តព្រោះ Nicole Kidman មានឯកសិទ្ធិមិនបាច់ចត្តាឡីស័កពេលមកទីនេះ

2021-08-20 04:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រជាជនហុងកុងមិនអាចទទួលយកបាននៅពេលកំពូលតារាសម្ដែងស្រីអូស្ត្រាលី Nicole Kidman មិនចាំបាច់ធ្វើការចត្តាឡីស័កដើម្បីបង្ការជំងឺកូវីដ១៩។

កាលពីថ្ងៃទី ១៩ ខែសីហាកន្លងទៅនេះ បណ្ដាញព័ត៌មាន Bloomberg បានរាយការណ៍ថា តារាសម្ដែងស្រីអូស្ត្រាលី Nicole Kidman កំពុងរងការរិះគន់ពីបណ្ដាញព័ត៌មាន និងប្រជាជនហុងកុងដោយសារនាងមិនអនុវត្តច្បាប់ចត្តាឡីស័កនៅទីនេះ។

តាមនោះដែរ ស្រីស្អាតខាងលើបានបានមកដល់ហុងកុងកាលពីថ្ងៃទី ១២ ខែសីហាដើម្បីថតរឿង Expats។ ២ថ្ងៃក្រោយមក គេបានប្រទះឃើញដើរទិញទំនិញក្នុងផ្សារទំនើបដោយមានអង្គរក្សតាមការពារ២នាក់។ នៅថ្ងៃទី ១៨ គេប្រទះឃើញនាងដើរលេងនៅតំបន់ Sai Wan ថែមទៀត។

សកម្មភាពខាងលើបានបង្ហាញឲ្យឃើញថា តួរឿង The Undoing មិនបានធ្វើចត្តាឡីស័កដើម្បីការពារជំងឺកូវីដ ១៩ ឡើយ ត្បិតបើតាមច្បាប់ នាងត្រូវនៅក្នុងសណ្ឋាគារ២១ថ្ងៃ។ តាមនោះដែរ ដើម្បីបម្រើឲ្យការថតរឿងរបស់ខ្លួន ស្រីស្អាតអាយុ ៥៤ឆ្នាំបានជួលភូមិគ្រឹះតម្លៃ៩ម៉ឺនដុល្លារក្នុង១ខែដើម្បីស្នាក់នៅធ្វើការ និងលំហែ។ នាងគ្រោងនៅដល់ខែតុលា។ អាជ្ញាធរហុងកុងមិនទាន់ចេញមុខឆ្លើយនៅឡើយទេ ពីមូលហេតុដែលផ្ដល់ឯកសិទ្ធិដល់តារាសម្ដែងស្រីនេះ មិនចាំបាច់ធ្វើចត្តាឡីស័ក ដែលធ្វើឲ្យប្រជាជនខឹងជាខ្លាំង៕