កូវីដ​​ផ្ទុះ​ខ្លាំង​ពេក ឡាវ​ប្រកាស​នឹង​មិនបញ្ជូន​តំណាង​ខ្លួន​ទៅ​ប្រកួត Miss Universe ឡើយ

  • 2021-08-26 05:15:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ដោយ​សារ​តែ​វិបត្តិ​កូវីដ​មិនទាន់​បាន​ថម​ថយ ប្រទេស​ឡាវ​សម្រេច​​ថា​នឹង​មិន​ឲ្យ​តំណាង​ប្រទេស​ខ្លួន​ទៅ​ប្រកួត​កម្មវិធី​ប្រលង​សម្រស់​​បវរកញ្ញា​ចក្រវាល​នោះ​ឡើយ។

កាល​ពី​ថ្ងៃ​ទី ២៥ ខែ​សីហា​មុន​នេះ គណកម្មការ​កម្មវិធី​បវរកញ្ញា​ចក្រវាល​ឡាវ បាន​ផ្ដល់​ព័ត៌មាន​​ទៅ​កាន់​បណ្ដាញ​ព័ត៌មាន​​នានា​ថា សម្រាប់​ឆ្នាំ ២០២១ ប្រទេស​ឡាវ​នឹង​មិន​បញ្ជូន​បេក្ខភាព​របស់​ខ្លួន​ទៅ​ប្រលង​លើ​វេទិការ​អន្តរជាតិ​ឡើយ ដោយ​សារ​តែ​វិបត្តិ​កូវីដ​នៅ​ក្នុង​ប្រទេស​មិន​ទាន់​បាន​ស្បើយ។

“ស្ថានភាព​កូវីដ​១៩ នៅ​តែ​បន្ត​វាយ​លុក​មិន​ទាន់​ស្រាកស្រាន្ត ដូច​នេះ​ហើយ​ក្រុមការងារ​មិន​អាច​ប្រារព្ធ​ធ្វើ​​បាន​ឡើយ ដែល​ជា​ហេតុ​ធ្វើ​ឲ្យ​យើង​មិន​អាច​រក​តំណាង​ទៅ​ប្រកួត​នៅ​ប្រទេស​អ៊ីស្រាអែល​បាន​ឡើយ” តំណាង​ប្រទេស​ឡាវ​ឲ្យ​ដឹង។

មុន​នោះ​ដែរ ប្រទេស​មីយ៉ាន់ម៉ា ក៏​បាន​ប្រកាស​ថា​​នឹង​មិន​បញ្ជូន​តំណាង​របស់​ខ្លួន​​ឲ្យ​ចូល​រួម​ដូច​គ្នា ដោយ​ហេតុផល​ថា​មិន​អាច​ប្រព្រឹត្ត​ប្រលង​ក្នុង​ប្រទេស​បាន​ដែល​ជា​ហេតុ​គ្មាន​បេក្ខ​ភាព​ប្រលង​អន្តរជាតិ។ Miss Univers 2021 នឹង​ត្រូវ​បាន​ធ្វើ​ឡើង​នៅ​ខែ​ធ្នូ នៅ​ទីក្រុង Eilat ប្រទេស​អ៊ីស្រាអែល។ បច្ចុប្បន្ន​មាន​តែ​ប្រទេស​តែ​១៧​ប៉ុណ្ណោះ ដែល​បញ្ជាក់​ថា​នឹង​ចូល​រួម​៕

ប្រភព៖ news.zing.vn ប្រែ​សម្រួល៖ Caramel

អត្ថបទពេញនិយម
;