វ៉ាក់សាំង Sinopharm និង Sinovac ពិតជាមានប្រសិទ្ធភាព​​ក្នុងការជួយទប់ស្កាត់ការឆ្លងកូវីដ១៩ ប្រភេទដែលតា រហូតដល់៧០% នៅក្នុងខេត្ត​ក្វាងទុង ប្រទេសចិន។ នេះបើតាមការ​សិក្សា​ស្រាវជ្រាវ​របស់​មជ្ឈមណ្ឌល​គ្រប់គ្រង និងបង្ការជំងឺឆ្លង​ប្រចាំ​ខេត្ត​ក្វាងទុង។

បន្ថែមលើសនេះ វ៉ាក់សាំងទាំងពីរ គឺបាន​ជួយ​ការពារ​ទាំងស្រុង មិនឱ្យអ្នកចាក់វ៉ាក់សាំងហើយ មាន​ភាព​ធ្ងន់ធ្ងរ​ដែលបង្កឡើងដោយ​វីរុសនេះ។

ការសិក្សានេះ ធ្វើទៅលើមនុស្សជាង ១ម៉ឺននាក់ ក្នុងអំឡុងពេល​ផ្ទុះ​ជំងឺ ពីចុងខែឧសភា ដល់ពាក់កណ្តាលខែមិថុនា។ ក្នុងនោះមានតែ ១៦៧នាក់ប៉ុណ្ណោះ ដែលឆ្លងវីរុសនេះ។

១នាក់ ក្នុងចំណោម ៨នាក់ គឺបាន​ចាក់វ៉ាក់សាំងគ្រប់ដូសរួច ភាគច្រើនបំផុតគឺ Sinopharm និង Sinovac ហើយច្រើនជាងពាក់កណ្តាល មិនបានចាក់វ៉ាក់សាំង និងសល់ប៉ុន្មានទៀត បានចាក់ដូសទី១៕