ទេសរដ្ឋមន្រ្តី ស៊ុន ចាន់ថុល៖ ឡានធំៗ ដែលបើកយឺតលើគន្លងខាងឆ្វេង នឹងត្រូវផាកពិន័យ
- 2021-08-30 03:11:14
- ចំនួនមតិ 0 | ចំនួនចែករំលែក 0
ទេសរដ្ឋមន្រ្តី ស៊ុន ចាន់ថុល៖ ឡានធំៗ ដែលបើកយឺតលើគន្លងខាងឆ្វេង នឹងត្រូវផាកពិន័យ
ចន្លោះមិនឃើញ
លោក ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន បានថ្លែងថា កម្ពុជាកំពុងតែរៀបចំវិសោធនកម្មច្បាប់ ក្នុងការផាកពិន័យដល់រថយន្តដែលបើកយឺតនៅគន្លងផ្លូវខាងឆ្វេង លើផ្លូវ ៤គន្លង (២ទៅ ២មក មានសួនកណ្តាល)។
ក្នុងវេទិកាឆ្លើយតបសំណួររបស់ប្រជាពលរដ្ឋតាមការ Live ផ្ទាល់នៅលើទំព័រហ្វេសប៊ុកក្រសួងព្រឹកនេះ លោកទេសរដ្ឋមន្រ្តី បានលើកឡើងយ៉ាងដូច្នេះថា៖
«ត្រូវតែប្រកាន់ស្តាំ យើងបើកយឺតត្រូវតែនៅស្តាំ អ្នកបើកល្បឿនកំណត់ គេបើកខាងឆ្វេង ជាពិសេសឡានធំហ្នឹង ត្រូវតែបើកខាងស្តាំ កុំបើកនៅខាងឆ្វេងឱ្យសោះ។ នេះកំពុងតែរៀបចំវិសោធនកម្មច្បាប់ ហើយអាចមានការផាកពិន័យ ចំពោះរថយន្តធុនធ្ងន់ ដែលបើកយឺត ហើយបើកនៅគន្លងខាងឆ្វេង។នេះកំពុងតែពិចារណា លើការផាកពិន័យនេះ ដើម្បីកុំឱ្យគាត់រាំងស្ទះចរាចរណ៍ដោយសារគាត់បើកយឺតៗនៅខាងឆ្វេង»៕