ក្នុងកម្មវិធី MPWT LIVE SHOW កាលពីថ្ងៃទី៣០សីហា លោក ស៊ុន ចាន់ថុល ទេសរដ្ឋមន្ត្រី រដ្ឋមន្រ្តី​ក្រសួង​សាធារណការ និងដឹកជញ្ជូន បានជម្រាបជូនវឌ្ឍនភាពនៃគម្រោងសាងសង់ស្ពានក្រចេះ-កំពង់ធំ ដែលជាគម្រោងស្ពានដ៏សំខាន់មួយដែលអាចឱ្យបងប្អូនប្រជាពលរដ្ឋអាចធ្វើដំណើរត្រង់ពីខេត្តក្រចេះទៅខេត្តកំពង់ធំ និងចំណេញពេលវេលាក្នុងការធ្វើដំណើរ។

លោក​បញ្ជាក់​ថា គម្រោង​ស្ពាននេះ​ត្រូវបាន​ចរចា​ចប់សព្វគ្រប់ និងបាន​ចុះហត្ថលេខា​លើកិច្ចព្រមព្រៀង​សាងសង់​ស្ពានរួចហើយ​ដែរ ប៉ុន្តែនៅរង់ចាំ​ក្រសួង​សេដ្ឋកិច្ច និង​ហិរញ្ញវត្ថុ ចុះហត្ថលេខា​លើប្រាក់កម្ចី ហើយសង្ឃឹមថា គម្រោងស្ពាននេះអាចបើកការដ្ឋានសាងសង់នៅចុងឆ្នាំនេះ ឬដើមខែមករា ឆ្នាំ២០២២ បន្ទាប់ពីបានចុះហត្ថលេខាលើប្រាក់កម្ចីរួច៕

ប្រភព៖ ក្រសួងសាធារណការ និងដឹកជញ្ជូន