លោក ស៊ី ជិនពីង ប្រធានាធិបតីចិន និង​ជាប្រធាន​គណៈកម្មការយោធាមជ្ឈិម បាន​តែងតាំង​មេបញ្ជាការយោធា​ជាន់ខ្ពស់​បំផុត​ចំនួន៥រូប​នៃ​កងទ័ព​រំដោះប្រជាជនចិន ក្នុង​ពិធីមួយ នៅក្រុងប៉េកាំង កាលពីថ្ងៃទី៦ កញ្ញា ឆ្នាំ​២០២១។

មេបញ្ជាការទាំង៥រូប ដែលត្រូវបានតែងតាំងរួមមាន៖

-លោក Wang Haijiang ជាមេបញ្ជាការនៃ​បញ្ជាការ​ភូមិភាគ​ខាងលិច

-លោក Lin Xiangyang ជាមេបញ្ជាការនៃបញ្ជាការភូមិភាគកណ្តាល

-លោក Dong Jun ជាមេបញ្ជាការកងទ័ពជើងទឹក

-លោក Chang Dingqiu មេបញ្ជាការ​កងទ័ពអាកាស

-លោក Xu Xueqiang ជាប្រធាន​នៃ​សាកលវិទ្យាល័យការពារជាតិ។

ជាមួយនឹង​ការតែងតាំងនេះ បណ្តាញ​សារព័ត៌មាន​ឥណ្ឌាបាន​ចាប់អារម្មណ៍​យ៉ាងខ្លាំងចំពោះ លោក Wang Haijiang ដែលមានភារកិច្ច​ឃ្លាំមើល​តាមបណ្តោយព្រំដែនចិន-ឥណ្ឌា ក្រោយប្រទេសទាំង២ ចាប់ផ្តើម​មានជម្លោះព្រំដែននឹងគ្នា កាលពីឆ្នាំមុន៕