ក្រុមអ្នកវិទ្យាសាស្រ្ត​ថៃ កំពុងអភិវឌ្ឍឧបករណ៍​ធ្វើតេស្តរកកូវីដ១៩ តាមរយៈញើសក្លៀក ដើម្បីជំរុញការទប់ស្កាត់ការចម្លងជំងឺនេះ ឱ្យបានកាន់តែលឿន។

លោកសាស្រ្តាចារ្យ Chadin Kulsing មកពី​សាកលវិទ្យាល័យជូឡាឡុងកន ដែល​ជាអ្នកស្រាវជ្រាវលើគម្រោងនេះ ឱ្យដឹងថា «**ទិន្នន័យពីការធ្វើតេស្តគំរូ យើងបាន​រកឃើញថា មនុស្ស​ដែល​បានឆ្លងកូវីដ១៩ គឺមាន​សារធាតុគីមី​ដ៏ខុសប្លែក​មួយ។ យើងបាន​ប្រើប្រាស់​ការរកឃើញ​នេះ ដើម្បីអភិវឌ្ឍ​ឧបករណ៍​មួយ​ ក្នុងការ​អង្កេត​រក​សារធាតុ​គីមី​នោះ ក្នុង​ញើសក្លៀករបស់​អ្នកជំងឺ**»។

ជាមួយ​អត្រាភាព​ពិតប្រាកដ​ប្រមាណ ៩៥% លោក Chadin សង្ឃឹមថា​ វា​នឹងក្លាយជាជម្រើស​ក្នុងការធ្វើតេស្ត​រកកូវីដ១៩ មានតម្លៃធូរថ្លៃ និង​លឿនរហ័ស៕