រដ្ឋបាល​ឱសថ និងចំណី​អាហារ​ថៃ កំពុងពិចារណា​លើសំណើរបស់​តំណាង​ក្រុមហ៊ុន Sinopharm ក្នុងប្រទេសថៃ ក្នុងការចាក់វ៉ាក់សាំងនេះ​លើក្មេង​អាយុចាប់ពី៣ឆ្នាំ។

អគ្គលេខាធិការ FDA ឱ្យដឹងថា គណៈកម្មាធិការរបស់ខ្លួន កំពុង​ពិនិត្យ​មើលសំណើនេះ ហើយ​សិក្សាថា​តើវ៉ាក់សាំង​ Sinopharm មានប្រសិទ្ធភាព និងសុវត្ថិភាព​គ្រប់គ្រាន់​សម្រាប់កុមារ​អាយុចាប់ពី៣ឆ្នាំ ឬយ៉ាងណា។ ការបញ្ជាក់​ការយល់ព្រម ឬបដិសេធ​​នឹង​ធ្វើឡើង​ក្នុងអំឡុងពេល ៣០ថ្ងៃ។

FDA បន្តថា បច្ចុប្បន្ន​ខ្លួនបាន​អនុញ្ញាតឱ្យចាក់វ៉ាក់សាំង Pfizer និង Moderna លើក្មេងអាយុទាបបំផុតត្រឹម ១២ឆ្នាំ។

គួរដឹងដែរថា បើតាម​ទិន្នន័យ​នៃការចាក់សាកល្បង​វ៉ាក់សាំង Sinopharm លើកុមារអាយុចាប់ពី៣ឆ្នាំ ដល់១៧ ដំណាក់កាលទី១ និងទី២ ក្នុងប្រទេសចិន បង្ហាញថា វា​គឺមានសុវត្ថិភាពសម្រាប់​មនុស្សអាយុក្រុមនេះ៕