Apple ទើបញ្ចេញ iOS 15 និង iPadOS 15 ជាផ្លូវការ (Official Public Version) មុននេះបន្ដិច ក្រោយប្រកាសចេញកាលពី ខែមិថុនា ក្នុងព្រឹត្តិការណ៍ WWDC21 និងដាក់ឱ្យប្រើជំនាន់សាកល្បង (Beta Version) ប្រមាណ ២ខែ កន្លងមក។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

iOS 15 មានមុខងារពិសេសៗដូចជា៖ មុខងារ SharePlay សម្រាប់ share screen, ខលវីដេអូព្រាលផ្ទៃក្រោយក្នុង FaceTime, មុខងារ Focus អាចឱ្យភាគីម្ខាងទៀតដឹងថាអ្នករវល់, មុខងារ Live Text បកប្រែ ចម្លង ខលទូរសព្ទបានភ្លាមៗ គ្រាន់តែប្រើកាមេរ៉ា, មុខងារ Spotlight & Visual Look Up សម្រាប់ស្វែងរក និងព៏ត៌មានលម្អិតពីរូបថតក្នុង iPhone, កម្មវិធី Photos អាច customize លើ Memories និងមានបន្ថែមតន្ត្រីជាង ១០លានបទ នៅក្នុងនោះ, មុខងារ Privacy គ្រប់គ្រង តាមដានទិន្នន័យផ្ទាល់ខ្លួន, iCloud+ លាក់អ៊ីមែលដើម្បីសុវត្ថិភាព និងមុខងារជាច្រើនទៀត។

iPadOS 15 មានមុខងារពិសេសៗដូចជា៖ កម្មវិធី SwiftUI សម្រាប់ Developer សរសេរកូដបង្កើតកម្មវិធី, Keyboard & Mouse អាចប្រើបានដំណាលគ្នាទាំងលើ iPad និង Mac, Widgets ថ្មីៗ អាចកំណត់ទំហំឱ្យធំបាន, មុខងារ App Library ដាក់ឱ្យប្រើលើកដំបូង, អាចធ្វើការ Multitasking និង មុខងារ Keyboard shortcuts។ រីឯមុខងារដទៃទៀត គឺមានលក្ខណៈស្រដៀងទៅនឹង iOS 15 ដូចមានខាងលើផងដែរ។

គួរបញ្ជក់ថា ចាប់ពី iPhone 6S & SE និង iPad Air 2 & mini 4 ឡើងទៅ អាចអាប់ឌែតទៅកាន់ iOS 15 និង iPadOS 15 បាន។

ដើម្បីអាប់ឌែត សូមចូលទៅកាន់៖

• បើកកម្មវិធី Settings > General > Software Update បន្ទាប់មកចុច Download and Install និងធ្វើតាមការណែនាំជាការស្រេច៕