ឡានតូចច្រឡឹង សាកភ្លើងម្តងបើកដល់សៀមរាប តម្លៃត្រឹមតែ៣ពាន់ដុល្លារ

2021-10-04 03:12:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បន្ទាប់ពីទទួលជោគជ័យយ៉ាងធំសម្បើមចំពោះការលក់រថយន្តអគ្គិសនីប្រភេទតូចៗ កាលពីឆ្នាំមុន ក្រុមហ៊ុនចិន Wuling HongGuang ក៏ទើបតែបញ្ចេញប្រភេទកូនរថយន្តមួយទៀតម៉ូឌែល Nano ដែលជារថយន្តដ៏តូចបំផុត។

Wuling Nano ដែលត្រូវបានបង្ហាញក្នុងពិព័រណ៌ 2021 Tianjin International Auto Show នេះ គឺមិនត្រឹមតែជារថយន្តអគ្គិសនីតូចជាងគេក្នុងលោកនោះទេ ប៉ុន្តែវាក៏មានតម្លៃថោកជាងគេផងដែរ ពោលគឺវាត្រូវបានដាក់លក់ក្នុងតម្លៃប្រមាណ ២ម៉ឺនយ័ន (ប្រហែល ៣១០០ដុល្លារអាមេរិក)។

រថយន្តដ៏តូចច្រឡឹងនេះ ត្រូវបានរចនាឡើងជាពិសេសសម្រាប់បើកបរក្នុងក្រុងដែលមានការកកស្ទះចរាចរណ៍ខ្លាំង និងផ្លូវចង្អៀតជាដើម។ ខាងក្នុងរថយន្តមានកៅអីតែ២ ឬជិះបាន២នាក់ប៉ុណ្ណោះ សម្រាប់តៃកុងម្នាក់ និងអ្នកដំណើរម្នាក់ ដោយសារវាមានប្រវែងតែ ២៤៩៧ម.ម ទទឹង ១៥២៦ម.ម និងកម្ពស់ ១៦១៦ម.ម ឯគម្លាតកង់មុខទៅកង់ក្រោយ ១៦០០មម។

ជាមួយតួខ្លួនតូចនៃរថយន្តបែបនេះ វាបំពាក់ជាមួយម៉ូទ័រអគ្គិសនី ៣៣កម្លាំងសេះ កម្លាំងរមួល ៨៥ញូ៊វតុនម៉ែត្រ ប៉ុន្តែវាអាចបើកដល់ល្បឿនអតិបរមា ១០០គីឡូម៉ែត្រ ក្នុង១ម៉ោង។ រថយន្ត Nano នេះត្រូវបានដាក់អាគុយប្រភេទ IP67-certified lithium-ion ស្ថិតនៅផ្នែកខាងក្រោមនៃកៅអីរថយន្ត ដែលផ្ទុកភ្លើងបាន ២៨គីឡូវ៉ាត់ម៉ោង។

នៅពេលសាកភ្លើងតែម្តង គឺវាអាចអាចដំណើរបានរហូតដល់ ៣០៥គីឡូម៉ែត្រ (ភ្នំពេញ-សៀមរាប ប្រវែង ៣១៤គីឡូម៉ែត្រ)។ ពេលសាកភ្លើងម្តងៗ ប្រើពេលយូរណាស់ដល់ទៅ ១៣ម៉ោងកន្លះ ដោយប្រើឌុយ ២២០វ៉ុល ប៉ុន្តែវាក៏ភ្ជាប់មកជាមួយជម្រើសឆ្នាំងសាក ៦,៦ KW AC ដែលអាចសាកភ្លើងប្រើពេលតែ ៤ម៉ោងកន្លះ។

អ្វីដែលគួរឱ្យកាន់តែចាប់អារម្មណ៍ រថយន្ត Nano ក៏បានបំពាក់ប្រព័ន្ធហ្វ្រាំងសុវត្ថិភាពទំនើប ABS និង EBD (ហ្រ្វាំងជំនួយពេលចូលចត), ប្រព័ន្ធគ្រប់គ្រងលំនឹងអេឡិចត្រូនិច ESC, ឧបករណ៍សុវត្ថិភាពសម្រាប់កុមារ Isofix និងមានប្រព័ន្ធបង្ហាញសញ្ញាអ្នកឆ្លងកាត់ផ្លូវផងដែរ។ វាក៏ភ្ជាប់មកជាមួយអេក្រង់ឌីជីថល ៧អ៊ិញ, ចង្កៀងមុខ LED, កាមេរ៉ាពេលរ៉ឺយែរ, ប្រព័ន្ធគ្រប់គ្រងសម្ពាធ, ម៉ាស៊ីនត្រជាក់, ប្រព័ន្ធ keyless entry (ចូលរថយន្តមិនចាំបាច់ប្រើសោ) និងប្រព័ន្ធ Telematics៕

ចង់បានរថយន្តថ្មី ប៉ុន្តែមិនមានប្រាក់គ្រប់គ្រាន់ សូមកុំបារម្ភ! លោកអ្នកអាចស្នើសុំឥណទាន រថយន្តរបស់ធនគារ CIMB ដែលផ្តល់ជូនអត្រាការប្រាក់ពិសេស ៨,៥% ទំហំឥណទានដល់ ៧០% និងរយៈពេលឥណទានដល់ ៥ឆ្នាំទៀតផង។ សម្រាប់ព័ត៌មានលម្អិតសូមជជែកជាមួយមន្ត្រីឥណទានរថយន្តរបស់ធនាគារ CIMB ដោយផ្ទាល់ តាមរយៈលេខទូរសព្ទ 096 669 2222 / 092 667 375៕

ប្រភព៖ insideevs ប្រែសម្រួល៖ សំភី