ប្រវត្តិសហគ្រិន២រូប ក្នុងវិស័យអប់រំ មានប្រវត្តិតស៊ូពុះពារច្រើនណាស់ ទម្រាំក្លាយជាអ្នកជំនួញដ៏ជោគជ័យ

2021-11-11 06:06:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្លែកពីកម្មវិធី Starting Up សម្រាប់សប្ដាហ៍នេះប្រិយមិត្តនិងបានស្ដាប់ពីបទពិសោធន៍និងគន្លឹះជាច្រើន ទាក់ទងជាមួយចំណេះដឹងផ្នែកហិរញ្ញវត្ថុ និងការអប់រំ ដែលមានវាគ្មិនពិសេស ២រូបគឺដែលអ្នកស្រី ហេង ធីតា នជានាយកគ្រប់គ្រង MoneyTree Cambodia និងលោក ប៉ិច បូឡែន ជាអគ្គនាយកក្រុមហ៊ុន Westline Education Group ដែលនឹងចូលខ្លួនមកបើកកកាយជីវប្រវត្តិ ការសិក្សា បទពិសោធន៍ការងារ ដំណើរជីវិត មុនឈានជើមកដល់ភាពជោគជ័យដល់ពេលបច្ចុប្បន្ន។

អ្នកស្រី ហេង ធីតា ធ្លាប់បានឆ្លងកាត់ការងារជាច្រើនមុនពេលបញ្ចប់ការសិក្សាថ្នាក់បរិញ្ញាបត្រនៅឆ្នាំ១៩៩៨ នឹងបានជាប់អាហារូបករណ៍ទៅសិក្សានៅប្រទេសជប៉ុនចំនួន ២ឆ្នាំ បានវិលត្រឡប់មកកម្ពុជាវិញនិងបានធ្វើការនៅធនាគារ ANZ Royal អស់រយ:ពេល ៧ឆ្នាំ និងបានផ្លាស់ប្ដូរមកធ្វើជានាយកគ្រប់គ្រងផ្នែកលក់ ប្រចាំនៅធនាគារ CIMB តាំងពីឆ្នាំ២០១១ ដល់ ឆ្នាំ២០២១។ បច្ចុប្បន្នអ្នកស្រី ហេង ធីតា ជានាយកគ្រប់គ្រងប្រចាំកម្ពុជា MoneyTree Cambodia ឈានមុខគេនៅអាសុី និងបានឈនចូលមកនៅកម្ពុជានៅឆ្នាំ២០១៦។ ប្រវត្តិការសិក្សាកន្លងមកអ្នកស្រី ហេង ធីតា បានបញ្ចប់អនុបណ្ឌិតជំនាញគ្រប់គ្រងពាណិជ្ជកម្ម មកពីសាកលវិទ្យាល័យ International University of Japan (IUJ) កាលពីឆ្នាំ២០០៤។

កត្តាដែលធ្វើឲ្យ អ្នកស្រី ហេង ធីតា ងាកពីការងារឲ្យគេមកបើកជាអាជីវកម្មដោយខ្លួនឯងមិនមែនកើតឡើងរយ: ពេលខ្លីទេគឺលោកស្រីមានគម្រោងនេះតាំងពីជាង ១០ឆ្នាំមកហើយ និងមានដុះខាត់សមត្ថភាព រៀបចំគម្រោងហិរញ្ញវត្ថុបាន ដែលអាចធ្វើឲ្យអ្នកស្រីចាកចេញពីការធ្វើការងារឲ្យគេ និងបានបើកអាជីវកម្មដោយខ្លួនឯងនៅពេលនេះ។ អ្នកស្រី ហេង ធីតា បន្តថាបើទោះជាបច្ចុប្បន្នយើងកំពុងស្ថិតក្នុងដំណាក់កាលកូវីដ១៩ តែអ្នកស្រីថា ការបើកអាជីវកម្មរបស់អ្នកស្រីនៅតែចាប់ផ្ដើមបានព្រោះគឺជាគម្រោងដែលអ្នកស្រីបានរៀបចំវារួចជាស្រេចមក ហើយវាក៏មិនមែនជាការកើតឡើងដោយចៃដន្យឡើយ។

បច្ចុប្បន្នអ្នកស្រី ហេង ធីតា ជានាយកគ្រប់គ្រង MoneyTree Cambodia ដែលបានបង្កើតឡើងកាលពីឆ្នាំ២០១៦។ កម្មវិធីសិក្សាតម្រង់ទិស MoneyTree ឬបណ្ដុះ Skill ផ្នែកហិរញ្ញវត្ថុ សម្រាប់កុមារនិងវ័យជំទង់ ពីអាយុ ៦ ដល់ ១៧ ឆ្នាំ ឈានមុខគេនៅអាសុី និងនៅកម្ពុជា ដែលបានបង្កើតដំបូងឆ្នាំ ២០០៨ នៅសិង្ហបុរី មានសមាជិក ឥឡូវនេះមាន បង្រៀននៅ ៨ ប្រទេស រួមមាន សឹង្ហបុរី, វៀតណាម, ថៃ, ហ្វីលីពីន, អូស្រា្តលី, អ៊ីនដូនេស៊ី, ម៉ាឡេស៊ី និងកម្ពុជា។ MoneyTree ទទួលស្គាល់ដោយ MoneySense (ជាអ្នកវាយតម្លៃកម្មវិធីសិក្សាហិរញ្ញវត្ថុមុនពេលអនុញ្ញាតឲ្យកម្មវធីដាក់ចូលបង្រៀន នៅសឹង្ហបុរី)។

គូសបញ្ជាក់ដែរថា MoneyTree ជាកម្មវិធីបង្រៀនកម្រិតចាប់តាំងពីបឋមដល់វិទ្យាល័យ ស្ដង់ដារសឹង្ហបុរី MoneyTree ភ្ជាប់មក ជាមួយនូវ ប្រព័ន្ធគ្រប់គ្រងថ្នាក់រៀនមួយឈ្មោះថា «Sandbox» ដ៏ទំនើប ងាយស្រួលនិង ចំណេញពេល សម្រាប់ជា កម្មវិធីជំនួយកិច្ចការបង្រៀនរបស់លោកគ្រូ អ្នកគ្រូ ទទឹមនឹងនេះដែរ MoneyTree ផ្តល់នូវកម្មវិធីមួយទៀតឈ្មោះថា Dumo ជាកម្មវិធីជំនួយឲ្យសិស្សអាចរៀន ដោយក្រៅម៉ោងសិក្សា និងកម្មវិធីលើកទឹកចិត្តសិស្សអោយខំប្រឹងរៀនពីព្រោះកាន់តែរៀនកាន់តែមានឪកាសទទួលរង្វាន់។

ងាកមកជួបជាមួយវាគ្មិនពិសេសមួយរូបទៀតគឺ លោក ប៉ិច បូឡែន ជាអគ្គនាយកក្រុមហ៊ុន Westline Education Group ដែលនឹងបង្ហាញពីដំណើរជីវិតការងាររបស់លោកមុនឈានចូលដល់ភាពជោគជ័យនាពេលបច្ចុប្បន្ន។ លោក ប៉ិច បូឡែន មានដើមកំណើតនៅខេត្តក្រចេះ ប៉ុន្តែមករស់នៅខេត្តកណ្ដាលតាំងពីកុមារភាព ហើយបានចាប់ផ្ដើមការសិក្សាទាំងថ្នាក់មត្តេយ្យ និងថ្នាក់បឋមនៅទីនោះ ហើយបានបញ្ចប់បាក់ឌុបឆ្នាំ ១៩៩៦ នៅវិទ្យាល័យគុយបា នៅរាជធានីភ្នំពេញ។

ចំពោះថ្នាក់សាកលវិទ្យាល័យលោក ប៉ិច បូឡែន បានប្រឡងជាប់នៅវិទ្យាស្ថានជាតិ តិចណូ ផ្នែកខាងអគ្គិសនី ប៉ុន្តែដោយគិតថាខ្លួនមិនសូវមានដុងខាងវិទ្យាសាស្ត្រ ក៏ប្ដូរទៅរៀននៅវិទ្យាស្ថានភាសាបរទេស IFL ផ្នែកខាងភាសាបារាំងវិញ ដោយសារលោកមានដុងខាងភាសាបារាំងស្រាប់។ នៅទីនោះលោកបានរើសយកជំនាញ ២ គឺខាងគ្រូបង្រៀន និងផ្នែកខាងសារព័ត៌មាន ចប់នៅឆ្នាំ ២០០១។ ក្រោយមកទទួលបានអនុបណ្ឌិតផ្នែកគ្រប់គ្រងធនធានមនុស្សនៅសាកលវិទ្យាល័យបញ្ញាសាស្ត្រនៅឆ្នាំ ២០០៥។

លោក ប៉ិច បូឡែន បានចាប់ផ្ដើមការងារដាក់ពាក្យជាគ្រូបង្រៀនប៉ុន្តែមិនសូវទទួលជោគជ័យប៉ុន្មាននោះទេដោយសារធ្លាក់ជាច្រើនកន្លែងរហូតលោកដាច់ចិត្តដាក់ពាក្យសុំគេបង្រៀននៅសាលាចិនមួយដោយមិនយកប្រាក់។ក្រោយមកលោកបានបង្រៀននៅមជ្ឈមណ្ឌលក្រុងញូវយ៉ក រហូតក្រោយមកលោកក្លាយជានាយកសាខាមួយនៅសាលាញូវយ៉កធីឡាយសាខាទឹករាំផ្ការាំ។ នៅឆ្នាំ២០០៨លោកចាប់ផ្ដើមប្រឡូកបើកសាលា Westlinទីមួយដោយខ្លួនឯង គិតមកទល់ពេលនេះសាលារបស់លោកបើកពង្រីកខ្លួនជាច្រើនសាខាក្នុងរយៈពេល ជាង១០ឆ្នាំរហូតក្លាយជាគ្រឹះស្ថានអប់រំធំមួយនៅកម្ពុជា។