វ៉ាក់សាំង Sinovac ទប់កូវីដ Omicron ជាប់ឬមិនជាប់! ក្រុមហ៊ុនបានត្រឹមបញ្ជាក់បែបនេះ

2021-11-30 03:07:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុន Sinovac បានបង្ហាញទំនុកចិត្តថា ខ្លួននឹងផលិតវ៉ាក់សាំងទាន់ពេលដើម្បីទប់ស្កាត់វីរុសកូវីដ១៩ Omicron ប្រសិនបើត្រូវការ ប៉ុន្តែត្រូវទទួលបានការយល់ព្រមពីអាជ្ញាធរជាមុនសិន ហើយត្រូវមានភស្តុតាងបញ្ជាក់ពីចាំបាច់ក្នុងការផលិតវ៉ាក់សាំងថ្មី។

ក្រុមហ៊ុនវ៉ាក់សាំងចិននេះ បានលើកឡើងយ៉ាងដូច្នេះថា៖ «បច្ចេកវិទ្យា និងការផលិត គឺដូចនឹងវ៉ាក់សាំងដែលបានចាក់នាពេលកន្លងមកដែរ ហើយការស្រាវជ្រាវវ៉ាក់សាំង អាចត្រូវបានរៀបចំភ្លាមៗ បន្ទាប់ពីធ្វើការបំបែកវីរុសបំប្លែងថ្មី។ ការផលិតមិនមែនជាបញ្ហាទេ។»

Sinovac បន្តថា «ការសិក្សាករណីពាក់ព័ន្ធ គឺត្រូវឱ្យចប់សព្វគ្រប់ ហើយវ៉ាក់សាំងថ្មីត្រូវបានការយល់ព្រមសម្រាប់ប្រើប្រាស់ស្របជាមួយនីតិវិធី។ វាហាក់ដូចជាឆាប់ពេក ក្នុងការនិយាយថា តើវ៉ាក់សាំងដាច់ដោយឡែកមួយ នឹងត្រូវការផលិតឡើងដើម្បីទប់នឹងវីរុសបំប្លែងថ្មី Omicron នេះ។»

ក្រុមហ៊ុន Sinovac បានសិក្សាតាមដានយ៉ាងដិតដល់ និងប្រមូលគំរូពាក់ព័ន្ធនឹងវីរុស Omicron តាមរយៈបណ្តាញដៃគូសកលរបស់ខ្លួន ដើម្បីកំណត់ថាតើ ត្រូវផលិតវ៉ាក់សាំងថ្មី ឬយ៉ាងណា៕

ប្រភព៖ South China Morning Post ប្រែសម្រួល៖ សំភី