ព្រះគណេស ដែលពិភពលោកចង់បានបំផុត និងបាត់ពីកម្ពុជា២ទសវត្សរ៍ទីបំផុតមកកម្ពុជាវិញហើយ

  • 2022-01-13 04:46:34
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ព្រះគណេស ដែលពិភពលោកចង់បានបំផុត និងបាត់ពីកម្ពុជាប្រមាណ​២ទសវត្សរ៍ និងវត្ថុបុរាណខ្មែរជាង២៧រូបទៀត នឹងត្រូវបញ្ជូនមកកម្ពុជាវិញ។ នេះបើយោងតាមសេចក្តីជូនព័ត៌មានរបស់ក្រសួងវប្បធម៌ និងវិចិត្រសិល្បៈ ប្រកាសចេញថ្ងៃទី១២ មករា ឆ្នាំ២០២២នេះ។

សេចក្តីជូនព័ត៌មាននេះបានបញ្ជាក់ថា វត្ថុបុរាណខ្មែរចំនួន២៨រូបដែលបានរឹបអូសពីអ្នកកាន់កាប់សមុច្ច័យឯកជន លោក Douglas Latchford នឹងត្រូវបញ្ចូនមកកម្ពុជាវិញរួមមាន៖

រូបរូបវត្ថុបុរាណខ្មែរដែលនឹងមកកម្ពុជាក្នុងពេលឆាប់ៗនេះ​ រូបថត៖ ក្រសួងវប្បធម៌ និងវិចិត្រសិល្បៈ

-បដិមាព្រះគណេស ថ្មភក់ សម័យអង្គរ សតវត្សរ៍ទី១០ គ.ស. ដែលអង្គការសម្ព័ន្ធភាពបុរាណវត្ថុ Antiquities Coalition បានចាក់ទុកបដិមានេះជារូបចម្លាក់ដ៏ប្រណិតមួយដែលពិភពលោកចង់បានបំផុតក្នុងចំណោមវត្ថុទាំង១០ដែលត្រូវបានគេលួច។

-ព្រះពុទ្ធបដិមាថ្មភក់ សតវត្សរ៍ទី៧-៨

-បដិមាព្រះវស្ណុ ថ្មភក់ សតវត្សរ៍ទី១០

-បដិមាព្រះនាងសក្ស្មី សំរិទ្ធ សតវត្សរ៍ទី១០

ទាក់ទងនឹងការបរិច្ឆេទនៃការវិលត្រឡប់វត្ថុបុរាណទាំង២៨រូបនេះអ្នកនាំពាក្យក្រសួងវប្បធម៌ និងវិចិត្រសិល្បៈលោក ហាប់ តូច បានបញ្ជាក់ប្រាប់ថា «មិនទាន់ដឹងមកដល់ថ្ងៃណាទេ ដោយពេលនេះកំពុងស្ថិតក្នុងដំណើរការនីតិវិធីតុលាការ នៅទីក្រុងញូវយ៉ក។ ក្រោយពីដំណើរការនេះចប់ ទើបមានការរៀបចំប្រគល់-ទទួល និងចាត់ចែងដឹកមកកម្ពុជា»

អត្ថបទ៖ លន ហ្សាឌីណា

;