ឯកឧត្ដម ស សុខា៖ ឲ្យតែអ្នកមើលស្រាលដៃគូនោះបរាជ័យនៅមិនឆ្ងាយពីយើងនោះទេ

2022-12-28 04:47:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តំណាងសហព័ន្ធកីឡាប៊ូល និងប៉េតង់កម្ពុជា ថាកីឡាករ កីឡាការិនីដែលមើលស្រាលដៃគូប្រកួតនោះភាពបរាជ័យគឺនៅមិនឆ្ងាយពីខ្លួននោះឡើយដូចនៅពានគរុគុណនេះអីចឹងដែរ។

រូបភាពសហព័ន្ធ

ឯកឧត្ដម ស សុខា បានឲ្យដឹងថា ក្រុមជម្រើសជាតិមួយចំនួនក៏បានរំពឹងថានឹងឈ្នះលេខ១ ទទួលបានរង្វាន់ធំ១គ្រឿងក្នុងពានរង្វាន់គរុគុណ ឆ្នាំ២០២២ ដែលទើបបញ្ចប់ទៅនេះ ប៉ុន្តែចូលរួមសោកស្ដាយផងដែរ។

ប្រធានកិត្តិយសរូបនេះមិនបានបញ្ជាក់ថាកីឡាករ ឬកីឡាការិនីរូបណានោះទេដែលភ្លាត់ចាញ់ក្រុមមហាជននោះ ប៉ុន្តែឯកឧត្ដមក៏ដូចជាមន្ត្រីសហព័ន្ធមានការភ្ញាក់ផ្អើលដែរចំពោះបរាជ័យក្រុមជម្រើសជាតិ។ ឯកឧត្ដមថានេះជាការឆ្លុះបញ្ចាំងតែមួយ «នរណាក៏ដោយឲ្យតែមើលស្រាលដៃគូប្រកួតហើយនោះភាពបរាជ័យគឺនៅមិនងាយនោះឡើយ»។ ការចាញ់លើកនេះគឺខាតបង់បន្តិចបន្តួចមួយពេលប៉ុណ្ណោះ ប៉ុន្តែបើភ្លាត់ចាញ់នៅស៊ីហ្គេម ២០២៣ ជាការខាត់បង់មួយធំធេងណាស់ព្រោះរដ្ឋាភិបាលបានលះបង់ច្រើនណាស់។

បញ្ជាក់ដែរថា ពានរង្វាន់គរុគុណលើកទី២ នេះធ្វើឡើងរយៈពេល៣ថ្ងៃនៅក្នុងពហុកីឡដ្ឋានជាតិកាលពីថ្ងៃទី២៣ ដល់ ២៥ ធ្នូ ២០២២៕