សហព័ន្ធ​គុន​ខ្មែរ៖​ សុំ​ឲ្យ​កីឡាករ​មុន​ចេញ​ប្រកួត​កម្មវិធី​ធំៗ​ក្រៅ​ស្រុក​ងាក​ចូល​ជំរំ​ហ្វឹកហាត់​ជម្រើស​ជាតិ​សិន​

  • 2023-01-07 06:54:58
  • ចំនួនមតិ 0 | ចំនួនចែករំលែក 0

ចន្លោះមិនឃើញ


អគ្គលេខាធិការ​សហព័ន្ធ​ប្រដាល់​គុន​ខ្មែរ​ អំពាវនាវ​ដល់​កីឡាករ​ និង​អ្នកដឹកនាំ​កីឡាករ​ទាំង​អស់​គួរ​ចូល​ជំរំ​ហ្វឹកហាត់​ជា​មួយ​ក្រុមជម្រើសជាតិ​ពង្រឹង​សមត្ថភាព​មុន​ចេញ​ទៅ​ប្រកួត​កម្មវិធី​ធំៗ​ក្រៅ​ស្រុក​នានា។

ឯកឧត្ដម​ ហេង​ សុឃន​
ឯកឧត្ដម​ ហេង​ សុឃន​ អគ្គលេខាធិការ​សហព័ន្ធ​ប្រដាល់​គុន​ខ្មែរ​ បាន​បញ្ជាក់​ថា​ជំរំ​ជម្រើស​ជាតិ​ក្នុង​ស្តាត​ចាស់​គឺ​រង់ចាំ​ជា​និច្ច​កីឡាករ​ណា​ដែល​ចង់​មក​ហ្វឹកហាត់​ពង្រឹង​សមត្ថភាព​មុន​ចេញ​ទៅ​វ៉ៃ​កម្មវិធី​ធំៗ​ក្រៅ​ស្រុក។​ ការ​មក​ហ្វឹកហាត់​នេះ​មិន​មាន​យក​ប្រាក់​អ្វី​នោះ​ទេ​ ពោល​មាន​សម្ភារ​ហ្វឹកហាត់​គ្រប់គ្រាន់​ មាន​គ្រូ​ជម្រើស​ជាតិ​ចាំជួយ​ និង​មាន​កីឡាករ​គ្រប់​ប្រភេទ​ទម្ងន់​អាច​ហាត់​សម​ ឬ​ឡាំ​ជា​មួយ​គ្នា​បានទៀត។​
រូបភាពលើផេកសហព័ន្ធ

តំណាង​សហព័ន្ធ​រូប​នេះ​អំពាវនាវ​ម្ដង​ហើយ​ម្ដង​ទៀត​គ្រប់​កីឡាករ​ដែល​ត្រូវ​ចេញ​ទៅ​វ៉ៃ​កម្មវិធី​ធំៗ ​ព្រោះ​ការ​ហាត់​ត្រៀម​ខ្លួន​បាន​ល្អ​ជា​ផ្នែក​មួយ​ឈាន​ទៅ​រក​ជ័យជម្នះ​ និង​ជា​ការ​ផ្ដល់​ទំនុក​ចិត្ត​​ខ្ពស់​សម្រាប់​កីឡាករ​ខ្លួន​ឯង៕​

អត្ថបទ៖ នួន ស៊ីណា​

អត្ថបទថ្មី
;