មឿន សុខហ៊ុច ត្រូវផ្ដួលថៃ យកប្រាក់១លានរៀល ថ្ងៃអាទិត្យនេះ

2017-05-04 09:13:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកប្រដាល់ជើងខ្លាំងកម្ពុជា មឿន សុខហ៊ុច នឹងត្រូវជួប អ្នកប្រដាល់ជើងខ្លាំងថៃ Niev Vengchan ក្នុងប្រភេទទម្ងន់ ៦៥គីឡូក្រាម ដើម្បីប្រជែងប្រាក់រង្វាន់លើកទឹកចិត្តចំនួន ១លានរៀល នាព្រឹកថ្ងៃអាទិត្យ ទី៦ ខែឧសភា ឆ្នាំ២០១៧នេះ នៅសង្វៀន SEATV។

ទាក់ទងនឹងការប្រកួតនេះ អ្នករៀបចំកម្មវិធីប្រដាល់ ប្រចាំ SEATV បានប្រាប់ឲ្យដឹងថា អ្នកប្រដាល់ មឿន សុខហ៊ុច មានការវិវត្ត ខាងក្បាច់គុនច្រើន គួបផ្សំនឹងការខំប្រឹងហ្វឹកហាត់ទៀត បានធ្វើឲ្យសមត្ថភាពគេកាន់តែខ្លាំង និងល្អជាងមុន។ សម្រាប់អ្នកប្រដាល់ថៃ Niev Vengchan លោកបន្តថា កីឡាកររូបនេះមានស្នៀតប្រដាល់ល្អ និងខ្លាំង ហើយបទពិសោធលើរេញរបស់គេ ក៏មិនធម្មតាដែរ។

Niev Vengchan ជាជើងខ្លាំង ដែលធ្លាប់ប្រកួតចំនួន ១០២លើក ក្នុងនោះ ឈ្នះ ៨៩លើក ចាញ់ ១២លើក និងស្មើ ១លើក ខណៈ សុខហ៊ុច ប្រកួត ១២៥លើក ឈ្នះ ៩៩លើក ចាញ់ ២២លើក និងស្មើ ៤លើក៕

ប្រភព៖ Looking Today ប្រែសម្រួល៖ លាភ.