Duterte៖ ហ្វីលីពីន នឹងចាប់ដៃគូជាមួយចិន រុករកធនធានធម្មជាតិនៅសមុទ្រខាងត្បូង

2017-05-17 03:24:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងដំណើរត្រឡប់ទៅប្រទេសហ្វីលីពីនវិញ ក្រោយការចូលរួមវេទិកាខ្សែក្រវាត់ និងផ្លូវ នៅក្រុងប៉េកាំង ប្រធានាធិបតី Rodrigo Duterte បានប្រកាសថា គាត់នឹងបើកការរុករកធនធានធម្មជាតិនៅសមុទ្រខាងត្បូង ជាមួយប្រទេសចិន និងវៀតណាម។

ប្រជុំកោះប៉ារ៉ាសែល នៅក្នុងសមុទ្រចិនខាងត្បូង

លោក Duterte បន្ថែមថា ដំណើរទស្សនកិច្ចរបស់លោកទៅក្រុងប៉េកាំង ពិតជាទទួលបានលទ្ធផលល្អសម្រាប់ហ្វីលីពីន និងរួមទាំងបានទាក់ទាញអ្នកវិនិយោគិនចិនជាច្រើនផងដែរ។

ប្រធានាធិបតី ស៊ី ជិនពីង ថ្លែងក្នុងវេទិកាខ្សែក្រវាត់ និងផ្លូវ

ចំណែកប្រធានាធិបតីចិន ស៊ី ជិនពីង វិញ បានកោតសរសើរពីការរីកចម្រើនគ្រប់កម្រិតនៃទំនាក់ទំនងរវាងប្រទេសចិន និងប្រទេសហ្វីលីពីន នៅក្នុងវេទិកាខ្សែក្រវាត់ និងផ្លូវ និងព្រមទាំងបានចាត់ទុកហ្វីលីពីន ជាដៃគូដ៏សំខាន់នៅក្នុងគម្រោងហេដ្ឋារចនាសម្ព័ន្ធខ្សែក្រវាត់ និងផ្លូវ។

សូមបញ្ជាក់ថា នេះមិនមែនជាលើកទី១ទេ ដែលហ្វីលីពីនបានព្យាយាមដើម្បីចូលរួមកម្លាំងជាមួយចិន និងវៀតណាម នៅសមុទ្រចិនខាងត្បូង។ នៅឆ្នាំ២០០៥ ប្រធានាធិបតីហ្វីលីពីន លោក Gloria Arroyo ក៏បានចុះកិច្ចព្រមព្រៀងជាមួយចិន និងវៀតណាម ស្ដីពីការសិក្សាការរុករកប្រេងនៅតំបន់សមុទ្រចិនខាងត្បូង ផងដែរ៕

ប្រភព៖ CGTN ប្រែសម្រួល៖ វាសនា