អស់ពី Tom Hiddleston ឥឡូវ Taylor Swift មានស្នេហាថ្មីទៀតហើយ!

2017-05-17 04:18:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមការចុះផ្សាយរបស់សារព័ត៌មាន The Sun បានឲ្យដឹងថា បច្ចុប្បន្ននេះ តារាចម្រៀងស្រីអាមេរិក Taylor Swift កំពុងលួចលាក់មានស្នេហាជាមួយតារាសម្ដែងហូលីវូដវ័យក្មេងម្នាក់ឈ្មោះ Joe Alwyn វ័យ២៦ឆ្នាំ បន្ទាប់ពីបែកបាក់ពីតារាសម្ដែង Tom Hiddleston។

តារាចម្រៀង Taylor Swift

ចំណងស្នេហ៍ថ្មីនេះមិនមែនទើបតែចាប់ផ្ដើមនោះទេ ពោលគឺ Taylor និង Joe ស្រឡាញ់គ្នាដោយសម្ងាត់ជាច្រើនខែមកហើយ ដោយពួកគេតែងលួចជួបគ្នានៅឯទីក្រុងឡុងដ៍ ប្រទេសអង់គ្លេស ហើយម្ចាស់បទ "Shake It Off" បានជួលផ្ទះមួយកន្លែងនៅទីនោះថែមទៀតផង។ រាល់ពេល Taylor ហោះទៅអង់គ្លេស នាងតែងធ្វើដំណើរតាមរយៈយន្តហោះឯកជន និងមានកងសន្តិសុខចាំការពារជានិច្ច ចៀសវាងបែកធ្លាយព័ត៌មានពីទំនាក់ទំនងថ្មីនេះ។

តារាសម្ដែង Joe Alwyn

គួរបញ្ជាក់ថា ស្នេហាមុនរបស់ Taylor Swift ជាមួយ Tom Hiddleston មានអាយុកាលប្រមាណតែជាង ៣ខែប៉ុណ្ណោះ (មិថុនា- កញ្ញា ២០១៦)។ ការបែកគ្នារវាងអ្នកទាំងពីរ កើតឡើងក្រោយពេល Tom ព្យាយាមចង់ឲ្យទំនាក់ទំនងនេះលាតត្រដាងជាសាធារណៈ ខណៈដែល Taylor Swift មិនបានគិតចង់ធ្វើដូច្នេះឡើយ៕