De Gea បាត់កៅអីសម្រាប់ការប្រកួតរបស់ Man Utd ដែលនៅសល់

2017-05-17 04:35:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកចាំទីដៃទីមួយ David de Gea របស់ក្រុម Manchester United អាចនឹងអវត្តមានពីការប្រកួតដែលនៅសេសសល់ រួមទាំងវគ្គផ្ដាច់ព្រ័ត្រ UEFA Europa League បន្ទាប់ពីអ្នកចាត់ការទូទៅលោក Jose Mourinho បង្ហើបថា លោកនឹងដាក់អ្នកចាំទីដៃទីពីរ Sergio Romero និងអ្នកចាំទីដៃបី Joel Pereira ឲ្យបំពេញតួនាទីនេះជំនួស De Gea រហូតដល់ចប់រដូវកាល។

David de Gea

ការសម្រេចរបស់អ្នកចាត់ការសញ្ជាតិព័រទុយហ្គាល់រូបនេះ បានបង្កឲ្យមានការសង្ស័យចំពោះអនាគតរបស់អ្នកចាំទីសញ្ជាតិអេស្ប៉ាញខាងលើ ដែលកំពុងមានការចាប់អារម្មណ៍ចង់បានខ្លាំងពីក្រុម Real Madrid ដើម្បីនាំយករូបគេត្រឡប់ទៅកាន់ស្រុកកំណើតវិញ ក្នុងតម្លៃផ្ទេរចំនួន ៦០ លានផោន។ De Gea ជាគោលដៅដ៏សំខាន់របស់ Real ក្នុងការនាំយកទៅកាន់ទឹកដី Bernabeu នារដូវកាលក្រោយ បន្ទាប់ពីការផ្ទេររូបគេ ត្រូវបានខកខានដោយសារឯកសារបញ្ជូនមិនទាន់ពេលវេលា កាលពី២ឆ្នាំមុន។

សូមបញ្ជាក់ថា លោក Jose Mourinho បានទម្លាយពីបំណងរបស់ខ្លួនក្នុងការដាក់អ្នកចាំទីអាហ្សង់ទីន Romero សម្រាប់ការប្រកួតនៅវគ្គផ្តាច់ព្រ័ត្រ ពានរង្វាន់ UEFA Europa League ទល់នឹងក្រុម Ajax នាថ្ងៃទី២៥ឧសភាខាងមុខនេះ។ ចំពោះការប្រកួតក្នុងលីគដែលនៅសល់ចំនួន ២ប្រកួត លោកនឹងដាក់អ្នកចាំទីដៃទីពីរ និងដៃទីបី ដោយម្នាក់ឲ្យលេងមួយប្រកួត៕