កីឡាករជប៉ុនត្រូវពិន័យ មិនឲ្យពាក់ព័ន្ធនឹងកីឡាវាយកូនបាល់អស់មួយជីវិត

2017-05-17 09:22:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាករ Junn Mitsuhashi ត្រូវបានពិន័យ បន្ទាប់ពីអង្គភាពសុចរិតភាពកីឡាវាយកូនបាល់ (TIU) រកឃើញថា រូបគេមានជាប់ពាក់ព័ន្ធនឹងករណីរៀបចំលទ្ធផលគិតទុកជាមុន។

កីឡាករវ័យ២៧ឆ្នាំខាងលើ បានផ្សំគំនិតជាមួយកីឡាករមួយចំនួន ដើម្បីឲ្យពួកគេលេងបន្ធូរដៃ នៅក្នុងព្រឹត្តិការណ៍ ITF Future នៅប្រទេសអាហ្វ្រិកខាងត្បូង និងនីហ្សេរីយ៉ា កាលពីឆ្នាំ២០១៥។ រូបគេ ត្រូវបានរកឃើញថា ធ្លាប់ភ្នាល់ចំនួន ៧៦លើក ហើយបានបដិសេធក្នុងការសហការជាមួយ TIU ដើម្បីសុំធ្វើការស៊ើបអង្កេត។

Mitsuhashi បានសន្យាផ្ដល់ប្រាក់ចំនួន ២ពាន់ដុល្លារ ចំពោះកីឡាករដែលលេងបន្ធូរដៃនៅក្នុងការប្រកួតវាយទោល និង ៦០០ដុល្លារសម្រាប់ការប្រកួតវាយគូ។

រូបគេធ្លាប់ស្ថិតនៅចំណាត់ថ្នាក់ទី ២៩៥ ពិភពលោក កាលពីឆ្នាំ២០០៩។ ក្រោយមក បានធ្លាក់ដល់លេខ ១៩៩៧ កាលពីចុងឆ្នាំ២០១៥។ បន្ថែមពីលើការពិន័យមិនឲ្យពាក់ព័ន្ធនឹងកីឡាវាយកូនបាល់មួយជីវិត Mitsuhashi ត្រូវពិន័យជាប្រាក់ចំនួន ៥ម៉ឺនដុល្លារផងដែរ៕

ប្រភព៖ BBC ប្រែសម្រួល៖ លាភ.