អាហ្សង់ទីន ជួយបណ្ដុះបណ្ដាលបាល់ទាត់ចិន

2017-05-18 06:44:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋមន្ត្រីក្រសួងកីឡាអាហ្សង់ទីន លោក Carlos Mac Allister បានប្រកាសនៅទីក្រុងប៉េកាំង កាលពីថ្ងៃទី១៧ ខែឧសភា ម្សិលមិញថា ប្រទេសរបស់លោកបានយល់ព្រមក្នុងការចាប់ដៃគូជាមួយចិន ដើម្បីអភិវឌ្ឍវិស័យកីឡាបាល់ទាត់ ក្នុងប្រទេសយក្សនៅអាស៊ីមួយនេះ។

ក្រុមជម្រើសជាតិចិន

រដ្ឋមន្ត្រីខាងលើ ដែលបានអមដំណើរជាមួយប្រធានាធិបតីអាហ្សង់ទីនលោក Mauricio Macri ក្នុងដំណើរទស្សនកិច្ចផ្លូវការទៅកាន់ប្រទេសចិន បានលាតត្រដាងថា ភាគីទាំងពីរបានព្រមព្រៀងគ្នាលើកម្មវិធីមួយ ដោយភាគីអាហ្សង់ទីន នឹងនាំយកយុវជនចិនចំនួន ១៥០នាក់ ទៅបណ្ដុះបណ្ដាលនៅប្រទេសខ្លួនរយៈពេល ១ឆ្នាំ ព្រមទាំងគ្រូបង្វឹក និងគ្រូកាយសម្បទាជាច្រើនរូបផងដែរ។

ជាមួយគ្នានេះ អាហ្សង់ទីននឹងបញ្ជូនគ្រូបង្វឹក និងគ្រូកាយសម្បទារបស់ខ្លួនចំនួន ៥០០នាក់ ដើម្បីទៅជួយបង្ហាត់ដល់យុវជនចិន ដោយបង្កើតជាគ្លីនិកបាល់ទាត់នៅជុំវិញប្រទេសចិន៕

ប្រភព៖ Xinhua ប្រែសម្រួល៖ លាភ.