World Cup U20៖ ប្រកួតបើកឆាក វេណេហ្ស៊ុយអេឡា ឈ្នះអាល្លឺម៉ង់ ២-០

2017-05-20 09:37:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ជម្រើសជាតិអាយុក្រោម ២០ឆ្នាំ (U20) វេណេហ្ស៊ុយអេឡា បានយកឈ្នះក្រុម U20 របស់អាល្លឺម៉ង់ ក្នុងលទ្ធផល ២-០ នៅក្នុងការប្រកួតទី១ និងជាការប្រកួតដំបូងនៃព្រឹត្តិការណ៍ពានរង្វាន់បាល់ទាត់ពិភពលោកអាយុក្រោម ២០ឆ្នាំ ឆ្នាំ២០១៧ នៅថ្ងៃសៅរ៍ ទី២០ ខែឧសភា ឆ្នាំ២០១៧ នេះ។

២គ្រាប់របស់ វេណេហ្ស៊ុយអេឡា ធ្វើបានដោយខ្សែប្រយុទ្ធ Ronaldo Pena នៅនាទី៥១ និងខ្សែប្រយុទ្ធ Sergio Cordova នៅនាទី៥៤។ លទ្ធផលនេះ ធ្វើឲ្យវេណេហ្ស៊ុយអេឡា ឡើងឈរចំណាត់ថ្នាក់លេខ១ បណ្ដោះអាសន្ន ក្នុងពូល B។ ចំណែកការប្រកួត១គូទៀតនៅពូលថ្ងៃជាមួយគ្នា គឺម៉ិកស៊ីកូ ប៉ះវ៉ានូអាទូ។

ក្រុមវេណេហ្ស៊ុយអេឡា

ដោយឡែកពូល A វិញ ដែលប្រកួតថ្ងៃជាមួយគ្នា ក្រុមអាហ្សង់ទីន ទទួលរងបរាជ័យក្រោមថ្វីជើងក្រុមអង់គ្លេស ក្នុងលទ្ធផល ០-៣។ ពូលនេះ ក៏នៅរង់ចាំការប្រកួតរវាងក្រុមម្ចាស់ផ្ទះកូរ៉េខាងត្បូង ជាមួយក្រុមហ្គីណេ នៅល្ងាចនេះផងដែរ៕

ប្រភព៖ FIFA ប្រែសម្រួល៖ លាភ.