លោក Duterte៖ ចិន គំរាមធ្វើសង្គ្រាមជាមួយហ្វីលីពីន

2017-05-22 02:31:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីហ្វីលីពីន លោក Rodrigo Duterte បាននិយាយនៅក្នុងក្រុង Davao ថា ចិន បានគំរាមធ្វើសង្គ្រាម បន្ទាប់ពីលោកអះអាងពីអធិបតេយ្យភាពហ្វីលីពីន ក្នុងតំបន់សមុទ្រចិនខាងត្បូង។

លោក Duterte បានលើកឡើងពីការព្រមានរបស់ប្រធានាធិបតីចិន លោក ស៊ី ជិនពីង នៅក្នុងកិច្ចប្រជុំមួយ។ លោក ស៊ី ជិនពីង ថាចិន នឹងបូមប្រេងនៅក្នុងសមុទ្រចិនខាងត្បូង។ មិនតែប៉ុណ្ណោះ មេដឹកនាំចិន បានគំរាមវាយប្រហារហ្វីលីពីនទៀតផង។ លោក Duterte មិនបានបញ្ជាក់ពីពេលវេលា និងទីកន្លែងនៃកិច្ចប្រជុំនេះទេ។

លោក Duterte ចាប់ដៃជាមួយលោក ស៊ី ជិនពីង នៅក្រុងប៉េកាំង ថ្ងៃទី១៥ ឧសភា ២០១៧

ការលើកឡើងរបស់លោក Duterte ធ្វើឡើងបន្ទាប់ពីប្រទេសអាស៊ាន យល់ព្រមធ្វើសេចក្តីព្រាងក្រមប្រតិបត្តិ (CoC) សម្រាប់គ្រប់គ្រងសកម្មភាពនានានៅក្នុងតំបន់សមុទ្រចិនខាងត្បូង។

កាលពីខែកក្កដា ឆ្នាំ២០១៦ តុលាការមជ្ឈឹតកម្មអន្តរជាតិ បានចេញដីកា ដោយឱ្យហ្វីលីពីន ឈ្នះក្តីទៅលើចិន ក្នុងបញ្ហាសមុទ្រចិនខាងត្បូង ប៉ុន្តែចិន មិនទទួលយកសេចក្តីសម្រេចនេះឡើយ៕

ប្រភព៖ Bangkokpost ប្រែសម្រួល៖ សំភី