World Cup U20៖ វៀតណាម បាន១ពិន្ទុក្នុងការប្រកួតដំបូង

2017-05-23 03:53:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ជម្រើសជាតិអាយុក្រោម ២០ ឆ្នាំវៀតណាម បានប្រកួតស្មើជាមួយក្រុមជម្រើសជាតិអាយុក្រោម ២០ ឆ្នាំនូវែលហ្សេឡង់ ក្នុងលទ្ធផល ០-០ សម្រាប់ការប្រកួតទីមួយនៅក្នុងព្រឹត្តិការណ៍បាល់ទាត់ពិភពលោកអាយុក្រោម ២០ ឆ្នាំ ឆ្នាំ២០១៧ នៅប្រទេសកូរ៉េខាងត្បូង កាលពីម្សិលមិញ។

កីឡាករវៀតណាម និងកីឡាករនូវែលហ្សេឡង់

ការទទួលបាន ១ពិន្ទុនេះ ជាលទ្ធផលដ៏ល្អសម្រាប់វៀតណាម ដែលទើបតែបានចូលរួមព្រឹត្តិការណ៍នេះជាលើកដំបូងក្នុងប្រវត្តិសាស្ត្ររបស់ខ្លួន និងជាក្រុមមកពីតំបន់អាស៊ានតែមួយគត់។ លទ្ធផលនេះ ជួយឲ្យវៀតណាម ឈរនៅចំណាត់ថ្នាក់លេខ ៣ បណ្ដោះអាសន្ន លើក្រុមអង់ដូរ៉ា ដែលមាន ០ ពិន្ទុ ក្រោយប្រកួតចាញ់ក្រុមបារាំង ក្នុងលទ្ធផល ៣-០ នៅពូល E ជាមួយគ្នា។

សម្រាប់ការប្រកួតបន្ទាប់ វៀតណាមនឹងត្រូវប៉ះបារាំង នាថ្ងៃទី២៥ ខែឧសភា ឆ្នាំ២០១៧ វេលាម៉ោង ៣ រសៀល (ម៉ោងនៅកម្ពុជា)៕