អាមេរិកផ្ដល់នាវាល្បាត ៦គ្រឿងដល់វៀតណាម

2017-05-23 04:52:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សហរដ្ឋអាមេរិក បានបញ្ជូននាវាល្បាត ៦គ្រឿង ទៅកាន់ប្រទេសវៀតណាម ដើម្បីពង្រីកទំនាក់ទំនងសន្តិសុខនៃប្រទេសទាំងពីរ ចំពេលដែលជម្លោះសមុទ្រចិនខាងត្បូងនៅតែតានតឹង។

នាវាឈ្មោះ ឆ្លាមដែក ឬ Metal Shark ដែលមានប្រវែងជាង ១៣ម៉ែត្រទាំង ៦គ្រឿងនេះ ត្រូវបានធ្វើពិធីផ្ទេរជាផ្លូវការ ដោយលោក Ted Osius អគ្គរដ្ឋទូតអាមេរិកប្រចាំប្រទេសវៀតណាម នាព្រឹកថ្ងៃអង្គារនេះ។

ទូកល្បាតទាំងនេះ នឹងត្រូវបានកងល្បាតវៀតណាម ប្រើប្រាស់ដើម្បីទប់ស្កាប់ការរត់ពន្ធតាមដែនទឹក ការប្លន់កប៉ាល់ និងការនេសាទខុសច្បាប់ជាដើម។

លោក Ted Osius ឯកអគ្គរដ្ឋទូតអាមេរិកប្រចាំប្រទេសវៀតណាម ប្រគល់នាវាល្បាតទាំង៦គ្រឿង ដល់វៀតណាម នាព្រឹកថ្ងៃទី២២ ឧសភានេះ នៅខេត្ត Quang Nam

ការផ្ដល់ជូនរបស់អាមេរិកនេះ គឺចំពេលដែលបញ្ហាជម្លោះសមុទ្រចិនខាងត្បូងកំពុងតានតឹង។ ចិន វៀតណាម ហ្វីលីពីន ម៉ាឡេស៊ី ប្រ៊ុយណេ និងតៃវ៉ាន់ សុទ្ធតែទាមទារចង់បានប្រជុំកោះ Spratly ដែលសម្បូរទៅដោយធនធានធម្មជាតិដ៏ក្រាស់ក្រែល។

គួរបញ្ជាក់ផងដែរថា វៀតណាម និងអាមេរិក បានបង្កើនកិច្ចសហប្រតិបត្តិការផ្នែកសន្តិសុខ និងការពារជាតិក្នុងប៉ុន្មានឆ្នាំចុងក្រោយនេះ បន្ថែមលើកិច្ចសហប្រតិបត្តិការពាណិជ្ជកម្ម និងវិនិយោគ ក្រោយពីប្រទេសទាំងពីរ ភ្ជាប់ទំនាក់ទំនងការទូតនឹងគ្នាវិញ កាលពីជាង ២០ឆ្នាំមុន៕

ប្រភព៖ Washingtonpost ប្រែសម្រួល៖ សុខ សុវត្ថិ