World Cup U20៖ យុវជនរបស់ Barcelona ជួយកូរ៉េខាងត្បូងកក់កៅអីវគ្គ១៦ក្រុម

2017-05-24 08:29:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមម្ចាស់ផ្ទះជម្រើសជាតិអាយុក្រោម ២០ឆ្នាំកូរ៉េខាងត្បូង បានយកឈ្នះលើក្រុមអាហ្សង់ទីន ក្នុងលទ្ធផល ២-១ សម្រាប់ការប្រកួតទីពីរ ប្រចាំពូល A ពានរង្វាន់បាល់ទាត់ពិភពលោកអាយុក្រោម ២០ឆ្នាំ កាលពីម្សិលមិញ។

ក្រុម U20 កូរ៉េខាងត្បូង អបអរនៅក្នុងការប្រកួតទល់នឹង U20 អាហ្សង់ទីន

កីឡាយុវជនមកពីក្លឹប Barcelona ឈ្មោះ Lee Seungwoo និង Paik Seungho បានស៊ុតម្នាក់មួយគ្រាប់ នៅក្នុងតង់ទីមួយ នាទី១៨ និង ៤២ នៃការប្រកួត ដែលជាគ្រាប់ជ័យជម្នះ និងដឹកនាំក្រុមម្ចាស់ផ្ទះឡើងទៅវគ្គ ១៦ក្រុមចុងក្រោយ។ ចំណែក អាហ្សង់ទីន ធ្វើបានតែមួយគ្រាប់គត់ ដោយខ្សែប្រយុទ្ធ Luis Marcelo Torres នៅនាទី៥០។

ជ័យជម្នះនេះ នាំឲ្យកូរ៉េខាងត្បូង ទទួលបាន ៦ពិន្ទុ ពីការប្រកួតចំនួន ២លើកក្នុងពូល A ឈរលេខ១ លើក្រុមអង់គ្លេស ដែលមាន ៤ពិន្ទុ។ លេខ៣ គឺក្រុម ហ្គីណេ មាន ១ពិន្ទុ ខណៈ អាហ្សង់ទីន ២ប្រកួតមាន ០ ពិន្ទុ។

មកទល់ពេលនេះ ក្រៅពីកូរ៉េខាងត្បូង ក្រុមដែលបានឡើងទៅវគ្គ ១៦ក្រុមមាន វេណេហ្ស៊ុយអេឡា ដែលមាន ៦ពិន្ទុ ក្នុងពីរប្រកួត នៅពូល B៕

ប្រភព៖ AFC ប្រែសម្រួល៖ លាភ.