បឹងកេត និងណាហ្គា ត្រូវប៉ះក្រុមណាខ្លះ ក្នុងពានរង្វាន់ Singapore Cup?

2017-05-26 08:25:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបឹងកេត និងណាហ្គាវើល នៃលីគកំពូលកម្ពុជា ជាក្រុមបរទេស ដែលត្រូវបានអញ្ជើញឱ្យចូលរួមប្រកួតក្នុងពានរង្វាន់ Singapore Cup ឆ្នាំ២០១៧។ ក្រុមដែលត្រូវបានអញ្ជើញ ២ទៀត គឺមកពីហ្វីលីពីន រួមមាន Ceres Negros និង Global FC។ ចំណែកក្រុមនៅសិង្ហបុរីដែលចូលរួមពានរង្វាន់នេះ រួមមាន Albirex Niigata, Balestier Khalsa, DPMM FC, Geylang Internation, Home United, Hougang United, Tampines Rovers, Warrirors FC និង Yong Lions។

ក្រោយពេលចាប់គូ ក្រុមបឹងកេត ត្រូវប៉ះជាមួយ Warriors FC ថ្ងៃទី២៩ឧសភា ឯណាហ្គាវើល ជួប Balestier Khalsa ប្រកួតនៅថ្ងៃទី៣១ឧសភា។

បឹងកេត

សូមបញ្ជាក់ថា Warriors FC ធ្លាប់មានប្រវត្តិមកប្រកួតនៅកម្ពុជា កាលពីខែកុម្ភៈ ឆ្នាំ២០១៧ ក្នុងព្រឹត្តិការណ៍ Pre-Season នាពហុកីឡដ្ឋានជាតិ។ ក្នុងព្រឹត្តិការណ៍នេះ Warriors FC បានប្រកួតចាញ់ ក្រសួងការពារជាតិ ១-២ និងចាញ់ព្រះខ័នរាជស្វាយ ១-៤ រួចមកហើយ។

ចំណែកក្រុម Balestier Khalsa ត្រូវបានគ្រូបង្វឹកណាហ្គាវើល លោក មាស ចាន់ណា មើលឃើញថា មានកម្រិតប្រហាក់ប្រហែលក្លឹបរបស់លោក។ ក្រោយមើលវីដេអូប្រកួតកន្លងមករបស់ Balestier Khalsa គ្រូកម្រិត A-License រូបនេះ សន្និដ្ឋានថា ក្រុមនៅសិង្ហបុរីនេះ លេងស្រដៀងនឹងក្រុមលេខ៥ ឬលេខ៦ ក្នុងលីគកំពូលកម្ពុជា បច្ចុប្បន្ននេះដែរ៕