ចិន ប្រតិកម្មនឹងសេចក្តីថ្លែងការណ៍របស់ប្រទេស G7

2017-05-28 04:16:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកនាំពាក្យក្រសួងការបរទេសចិន លោក Lu Kang បាននិយាយនៅថ្ងៃទី២៨ឧសភានេះថា ចិន មិនពេញចិត្តនឹងសេចក្តីថ្លែងការណ៍របស់ក្រុមប្រទេសធំៗទាំង៧ (G7) ដែលបានលើកយកបញ្ហាសមុទ្រចិនខាងត្បូង និងសមុទ្រចិនខាងកើត មកអធិប្បាយនោះឡើយ។

លោក Lu Kang អ្នកនាំពាក្យក្រសួងការបរទេសចិន

លោក Lu Kang បានជំរុញឱ្យសម្ព័ន្ធមិត្ត G7 បញ្ឈប់ការថ្លែងណាមួយដោយគ្មានទំនួលខុសត្រូវ អំពីបញ្ហាតំបន់ទាំង២នេះ។ លោកអះអាងថា ចិន ប្រកាន់ជំហរ ដោះស្រាយជម្លោះជាមួយភាគីពាក់ព័ន្ធ ដើម្បីរក្សាសន្តិភាព និងស្ថិរភាពនៅក្នុងសមុទ្រចិនខាងកើត និងសមុទ្រចិនខាងត្បូង។

កាលពីថ្ងៃទី២៧ឧសភា មេដឹកនាំ G7 បានបង្ហាញការបារម្ភអំពីស្ថានភាពក្នុងតំបន់ទាំង២ និងអំពាវនាវឱ្យបញ្ឈប់សកម្មភាពយោធាក្នុងតំបន់នេះផងដែរ។

សូមបញ្ជាក់ថា ចិនកំពុងមានជម្លោះជាមួយជប៉ុន លើប្រជុំកោះសេនកាគូ ឬទាវយូ ដែលស្ថិតក្នុងសមុទ្រចិនខាងកើត និងមានជម្លោះជាមួយប្រទេសអាស៊ាន លើប្រជុំកោះ ស្រ្ព៉ាាតលី និង ប៉ារ៉ាស៊ែល ក្នុងសមុទ្រចិនខាងត្បូង៕

ប្រភព៖ Asiancorrespondent ប្រែសម្រួល៖ សំភី