ក្រៅ​ពី​បាន​ប្រកាស​នូវ​វត្តមាន​របស់ Core i9 កាល​ពី​ម្សិលមិញ ក្រុមហ៊ុន Intel ក៏​បាន​បង្ហើប​ព័ត៌មាន​ខ្លះ​ផង​ដែរ​អំពី CPU ជំនាន់​ទី៨​របស់​ខ្លួន ដែល​គ្រោង​នឹង​ចេញ​នៅ​អំឡុង​ត្រីមាស​ទី៣ ឆ្នាំ​២០១៧។ តាម​ការ​អះអាង​របស់ Intel បាន​ឲ្យ​ដឹង​ថា CPU ថ្មី​នេះ​នឹង​មាន​ល្បឿន​លឿន​ជាង CPU ប្រភេទ Kaby Lake ដល់​ទៅ ៣០%។ នេះ​បើ​យោង​តាម​ការ​ធ្វើ​តេស្ដ​ល្បឿន​មួយ ដោយ​យក Core i7 – 7500U (ជំនាន់​ទី៧) ដែល​មាន 2 Cores, 4 Threads និង Clock Speed 2.7-3.5GHz ទៅ​ប្រជែង​នឹង CPU ជំនាន់​ទី​៨ (មិន​ដឹង​ឈ្មោះ) ដែល​មាន 4 Cores, 8 Threads និង Clock Speed អតិបរមា 4GHz។ CPU ជំនាន់​ទី៨ ត្រូវ​គេ​ឲ្យ​ឈ្មោះ​ថា Coffee Lake៕