Nikon បាន​បង្ហាញ​ជា​ផ្លូវការ​នូវ Lens ចំនួន ៣​ម៉ូដែល គឺ​ម៉ូដែល AF-P DX 10-20mm f/4.5-5.6G VR, ម៉ូដែល AF-S Fisheye 8-15mm f/3.5-4.5E ED និង ​ម៉ូដែល AF-S 28mm f/1.4E ED ដែល​គ្រោង​ចេញ​លក់​នៅ​អំឡុង​ខែ​មិថុនា ឆ្នាំ​២០១៧ ​នេះ។

AF-P DX 10-20mm f/4.5-5.6G VR ជា Lens រចនា​ឡើង​​សម្រាប់​កាមេរ៉ា​ប្រភេទ DX-format ដែល​អាច​ថត​បាន​បែប Wide angle (មុំ​សម្រាប់​ចាប់​យក​រូបភាព​ធំ) ឬ ស្មើ​នឹង 15-30mm សម្រាប់​ប្រភេទ 35mm Format។ វា​មាន​មុខងារ​ទប់​លំនឹង (VR) និង មុខងារ AutoFocus មាន​ល្បឿន​លឿន។ តម្លៃ​វិញ គឺ​សមរម្យ​សម្រាប់​អ្នក​ប្រើប្រាស់​ទូទៅ ​ខ្ទង់ ៣១០​ដុល្លារ (បរទេស)។

សម្រាប់ AF-S Fisheye 8-15mm f/3.5-4.5E ED អាច​ចាប់​យក​រូបភាព​ក្នុង​មុំ ១៨០​ដឺក្រេ ពេល​បំពាក់​លើ​កាមេរ៉ា Full-Frame។ ​កញ្ចក់ ED ជួយ​ឲ្យ​ការ​ថត​កាន់តែ​ប្រសើរ​ឡើង។ តម្លៃ គឺ​ ១២៥០ដុល្លារ (បរទេស)។

AF-S 28mm f/1.4E ED ជា Lens ដែល​មាន​មុំ​ចាប់​រូបភាព ប្រហាក់ប្រហែល​នឹង​ភ្នែក​របស់​មនុស្ស ដែល​ងាយស្រួល​ក្នុង​ការ​ថត​បែប Portrait និង Landscape។ វា​ក៏​ត្រូវ​បាន​បំពាក់​កញ្ចក់ ED ផង​ដែរ។ ចំពោះ​តម្លៃ គឺ ២០០០​ដុល្លារ (បរទេស)៕